Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Zeınet jasyn tómendetý máselesin jyl sońynda talqylaımyz – Eraly Toǵjanov

2022 jyldyń 17 mamyr 2022 18:44

NUR-SULTAN. QazAqparat – QR Premer-Mınıstriniń orynbasary Eraly Toǵjanov Qazaqstandaǵy zeınet jasyn tómendetý máselesi qashan qaralatynyn aıtty, dep habarlaıdy QazAqparat tilshisi.

«Adamdy zeınetke jibermes buryn áýeli onyń zeınetaqysynyń qandaı deńgeıde qalyptasatynyn esepteý kerek, elmen aqyldasý kerek. Zeınetke erte shyqqan soń zeınetaqy kólemi tómen bolatyny belgili. Sondyqtan jyldyń aıaǵyna deıin osynyń bárin aqyldasýymyz kerek», - dedi E. Toǵjanov úkimet otyrysynan keıin tilshilerge bergen suhbatynda.

Onyń aıtýynsha, zeınetke shyǵý jasy jyl sońynda qarastyrylýy múmkin.

Ótken aptada Eraly Toǵjanov áıelderdiń zeınetke shyǵý jasyn tómendetý máselesi Áleýmettik kodeks aıasynda talqylanatynyn aıtqan edi.

Sáýir aıynda Qazaqstan Halyq partııasy áıelderdiń zeınet jasyn 58 jasqa deıin tómendetý usynysyn kótergen bolatyn.

Eske salsaq, Qazaqstanda 2022 jylǵy 1 qańtardan bastap áıelderdiń zeınetke shyǵý jasy uzartylǵan.

Salystyryp qarasaq, 2021 jyly áıelder zeınetke 60 jastan bastap shyǵatyn, al bıylǵy qańtardan bastap áıelderdiń zeınetke shyǵý jasy 60 jasqa taǵy 6 aı qosyp uzartylǵan.

Al er kisiler zeınetke 63 jastan bastap shyǵady.


Joǵary qaraı