Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Zerendide ormannan 273 túp qaraǵaı qazyp alǵandar ustaldy

2021 jyldyń 27 qazan 2021 22:23

ZERENDІ. QazAqparat - Aqmola oblysynyń Zerendi aýdanynda ormannan 273 qaraǵaı qazyp alǵandar ustaldy, dep habarlaıdy QazAqparat tilshisi.

Oblystyq polıtsınyń kezekshi bólimine belgisiz tulǵalardyń jas qaraǵaı qazyp jatqandyǵy týraly habarlama túsken.

«Aıtqan jerge kelgen polıtseıler Semeı qalasynyń 55 jastaǵy jáne Nur-Sultan qalasynyń 43 jastaǵy turǵynyn ustady. Olar «DAF» markaly júk kóligine 273 qaraǵaı tıegen. Oqıǵaǵa qatysty Qylmystyq kodekstiń 340-shi baby 1-bóligi «aǵashtar men butalardy zańsyz kesý, joıý nemese búldirý» boıynsha sotqa deıingi tergeý bastaldy. Protsessýaldyq májbúrleý sharasy «kelý mindettemesi» tańdaldy», - dedi vedomstvodan.

Aıta ketsek, Aqmola oblysynyń aýmaǵynda tabıǵatty qorǵaý zańnamasyn buzýshylyqtaryn, bıologııalyq resýrstar obektileriniń zańsyz aınalymyn anyqtaý jáne jolyn kesý maqsatynda aǵymdaǵy jylǵy 20 qazan men 19 qarasha aralyǵynda «Brakoner» jedel-aldyn alý is-sharasy ótip jatyr.


Joǵary qaraı