Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Zańgerlerdi daıarlaý kezinde san qýalamaı, sapaǵa mán berý kerek - cenator

2021 jyldyń 25 aqpan 2021 12:36

NUR-SULTAN. QazAqparat - Otandyq joǵary oqý oryndarynda oqıtyn zańgerler kóp, biraq ókinishke qaraı, zańgerlik bilimniń sapasy kóńil kónshitpeı otyr. Senator Lázzat Súleımen óziniń Úkimet basshysynyń atyna joldaǵan depýtattyq saýalynda osy máseleni kóterdi, dep habarlaıdy QazAqparat tilshisi.

«Bilim jáne ǵylym mınıstrliginiń málimetine sáıkes, elimizdiń 113 joǵary oqý ornynyń 71-i zańger mamandaryn daıarlaıdy. Onyń ishinde agrarlyq, pedagogıkalyq, qarjylyq, temirjol, ınnovatsııalyq baǵyttaǵy oqý oryndary da zańgerler daıarlaýda. Vedomstvolyq oqý oryndary daıarlaǵan mamandardy qospaǵanda, joǵary oqý oryndary sońǵy 5 jylda 107 278 zańger maman dıplom alǵan. Sarapshylardyń pikirinshe, zańgerlik bilim sapasy tipti syn kótermeıdi», - dedi Lázzat Súleımen.

Senatordyń pikirinshe, bul saladaǵy jalǵyz problema emes. Quqyqtaný salasynda arnaıy kásibı standarttyń joqtyǵy, professorlyq-oqytýshylyq quramnyń tapshylyǵy, sondaı-aq oqý jáne ǵylymı protsesterdi úılestirýdiń bolmaýy bolashaq zańgerlerdi daıarlaý sapasyna teris áser etedi.

Senator jaǵdaıdy jaqsartý úshin birqatar bastamany engizý múmkindigin qarastyrýdy usyndy. Atap aıtqanda, zańgerlerdi oqytatyn oqý oryndaryn lıtsenzııalaý sharttaryn qatańdatý asa mańyzdy, stýdentterdiń praktıkadan ótý tetikterin jetildirý jáne zańgerlik maman daıarlaýdy beıindi oqý oryndaryna berý qajet ekenin jetkizdi.


Avtor Aıan Bekenuly
Basty sózder: Senat, Bilim,
Joǵary qaraı