Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ıÝrıı Novgorodov: Koronavırýstyń qaýpin joqqa shyǵarý – aqymaqtyq

2021 jyldyń 6 qazan 2021 13:14

NUR-SULTAN. QazAqparat – Elordada ótip jatqan Álemdik jáne dástúrli dinder kóshbasshylary sezi hatshylyǵynyń HІH otyrysynda din ókilderi pandemııanyń dinı ahýalǵa tiıgizgen áseri týraly oı bólisti, dep habarlaıdy QazAqparat tilshisi.

«Biz qalaımyz ba, joq pa, biraq álemde sońǵy eki jylda ózgerister boldy jáne ony baıqamaý múmkin emes. Pandemııa áleýmettik protsesterge aıtarlyqtaı áser etti. Aýrýdyń bar ekenin, onyń aýyr asqynýlar beretinin joqqa shyǵarý aqymaqtyq. Men muny ózim sezingendikten aıtyp otyrmyn. Biraq bul jaǵdaıdy keıde múddelerge paıdalaný kezdesetinin baıqamaý múmkin emes. Kóbinese adamnyń quqyqtary men bostandyqtary, qozǵalys bostandyǵy, qoǵamdyq ómir shektelip jatady. Temir quraldar qnsha minsiz bolsa da, jandy qarym-qatynas pen qol alysýdyń jylýyn almastyra almaıdy. Búkil álemdegi lokdaýndar adamnzaty oqshaýlanýǵa májbúr etti», - dedi Dúnıejúzilik lıýteran federatsııasynyń ókili, Qazaqstandaǵy Evangelııalyq-lıýterandyq shirkeýdiń arhıepıskopy ıÝrıı Novgorodov.

Onyń aıtýynsha, ulttyq jáne dinı bólinisterden basqa, vaktsına alǵan jáne vaktsına almaǵan taptardyń bólinisi órshı me degen qaýip bar.

«Qabyldanyp jatqan sharalardyń kóbi mańyzdy jáne qajet ekenine senimdimin. Sonymen qatar, olardyń aqylǵa syıymdylyǵy jáne jetkiliktiligi, shamadan tys bolmaýy jáne qoǵam men adamı qarym-qatynastyń quldyraýyna ákelmeýi mańyzdy. Biz sezimizdiń jumysynda memleket qaıratkerlerimen, saıasatkerlermen dıalogtyń qajettiligi týraly aıtqan bolatynbyz. Óıtkeni olardyń qolynda bıliktiń naqty tetikteri bar jáne olar álemde bolyp jatqan kóptegen protsesterge qyqpal etedi. Biraq saıasatkerlerge de, memleketterge de baǵynbaıtyn, sóz bostandyǵynyń deńgeıin derbes anyqtaıtyn jáne osy sóz bostandyǵyna ıe bola alatyn basqa kúsh paıda bolǵanyn joqqa shyǵarý qıyn», - dedi arhıepıskop.

Din ókiliniń sózinshe, osy protsesterdiń bári ómir súrý jaǵdaıyna, dástúrlerge jańa moral, tyń ádep ákelip otyr.

«Progreske qarsy turý - aqymaqtyq. Biraq onyń yqtımal keri áserlerine beı-jaı qaraý múmkin emes. Belgili bir jańa normalar qalyptasqany anyq. Bul jańa másele qandaı bolmaq? Munyń bári bizge jáne bizdi ókili etip otyrǵan qaýymdastyqtarǵa baılanysty», - dedi ıÝrıı Novgorodov.


Avtor Esimjan Naqtybaı
Basty sózder: Pandemııa, Din, Dinder sezderi,
Joǵary qaraı