Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ystanbulda Túrki keńesiniń medıaforýmy ótip jatyr

2021 jyldyń 22 qazan 2021 16:06

NUR-SULTAN. QazAqparat - Túrkııada 22-24 qazan aralyǵynda Ystanbulda ótetin Túrki keńesiniń «Tuǵyrly tarıhy bar jarqyn bolashaq» taqyrybyndaǵy medıaforýmy bastaldy, dep habarlaıdy QazAqparat.

Túrkııa Respýblıkasynyń Prezıdenti Rejep Taıyp Erdoǵan óziniń beınejoldaýynda medıaforýmnyń búkil qatysýshylaryna sáttilik tiledi.

Túrki keńesiniń Bas hatshysy Baǵdad Ámireev medıaforýmnyń jumysyn ashyp, óziniń sózinde forým taqyryby ortaq tamyry bar jáne túrli salalardaǵy ózara tıimdi yntymaqtastyq úshin úlken perspektıvalary bar túrki áleminiń barlyq elderi úshin ózekti ekenin atap ótti.




Qazaqstandyq delegatsııany Aqparat jáne qoǵamdyq damý vıtse-mınıstri Kemelbek Oıshybaev bastap otyr.

Jalpy, medıaforým jumysyna Túrki keńesine múshe Qazaqstan, Túrkııa, Ázerbaıjan, Qyrǵyzstan, Ózbekstan, baqylaýshy el - Majarstan, sondaı-aq Túrkimenstan elderinen 350-den astam adam qatysýda, olardyń qatarynda jetekshi BAQ ókilderi, ǵylym jáne mádenıet qaıratkerleri, kınoındýstrııa, memlekettik organdardyń ókilderi, belgili blogerler men kommýnıkatsııa fakýltetteriniń stýdentteri bar.

Forýmda kınoındýstrııa jáne BAQ salasyndaǵy yntymaqtastyqty damytý múmkindikteri, sondaı-aq dezınformatsııaǵa, onyń ishinde áleýmettik jelilerge qarsy birlesken kúres talqylanady.

















Joǵary qaraı