Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Walt Disney-diń jáne «Masha men aıý» jobasynyń mamandary qazaq anımatorlaryna dáris oqıdy

2021 jyldyń 28 qazan 2021 12:34

NUR-SULTAN. QazAqparat – Qazaqstandyq anımator-mýltıplıkator mamandar «Masha men aıý», Disney jáne «Soıýzmýltfılm» sekildi stýdııalardyń mamandarynyń dárisin tyńdaı alady, dep habarlaıdy QazAqparat.

Álemge tanymal mýltfılmderdiń jaryq kórýine tikeleı atsalysqan mamandar Túrkistanda ótetin halyqaralyq ÁMEN anımatsııalyq fılmder kınofestıvalinde arnaıy dáris oqyp, trenıngter ótkizedi.

«Óz qyzmetin «Soıýzmýltfılm» stýdııasynan bastap, amerıkalyq World Disney stýdııasynda shyńdalǵan sýretshi-anımator Aleksandr Dorogov festıval qatysýshylaryna ıdeıadan bastap, anımatsııalyq fılmdi beıneleýge deıingi protsesti baıandap, basty keıipkerdi izdeýdiń qyr-syryn túsindiredi. «Qap, bálem, tura tur!» (Ný, pogodı), «Mýlan», «Arystan patsha» (The Lion King), «Fıksıkter», «Lılo men Stıch» (Lilo & Stitch) ekildi álemge tanymal jobalarǵa qatysqan mamannyń dárisi onlaın ótedi. Al brıtan sarapshysy, «Zontul films limited» anımatsııalyq kompanııasynyń dırektory, professor, jazýshy Tım Ýılson onlaın dárisinde Batys anımatsııa salasynyń erekshelikterine toqtalyp, jeke tájirıbesin ortaǵa salady», - dep habarlady kınofestıval uıymdastyrýshylary.

Taǵy bir aǵylshyn mamany qatysýshylarǵa derekti fılm túsirýde anımatsııa elementterin qoldanýdyń utymdylyǵy jaıly aıtyp beredi. Kınorejısser, jazýshy jáne sýretshi Olıver Gaı-Ýotkıns túsirgen derekti fılmder álemge tanymal kınofestıvalderdiń júldegeri atanǵan. Jazýshylyq qyrynan tanylǵan Ýotkınstiń kórkemsýret týyndylary da kórmelerge jıi qoıylady.

Qonaqtar qatarynda kúlli álem balalaryna erekshe tanymal «Masha men aıý» jobasynyń rejısseri Natalıa Malgına bar. Reseılik maman onlaın dáris barysynda 40-tan astam tilge aýdarylǵan «Masha men aıý» týyndysynyń jasalý barysyna toqtalady.

«Túrkistanǵa arnaıy kelgen Túrkııa anımatsııa salasynyń úzdikteri Mýsab Gúndúz ben Mustafa Ahmet Qara festıval qatysýshylarymen tildesip, tájirıbelerimen bólisedi. Anımatsııa rejısseri, komıks jáne qozǵalys sýretshisi Mustafa Ahmet Qara komıks jasaýdyń qyr-syryna toqtalsa, Cordoba anımatsııa stýdııasynyń negizin qalaýshy Mýsab Gúndúz aýdıtorııanyń jas ereksheligine qaraı joba jasaýdyń negizderin tanystyrdy», - deıdi uıymdastyrýshylar.

Sondaı-aq, festıval qonaqtary Qazaqstannyń úzdik anımatsııalyq kınostýdııalarynyń kórmesin tamashalap, anımatsııa jasaýdyń erekshelikterimen tanysady.


Joǵary qaraı