Aýa raıy
Astana -1 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Volonterler Nur-Sultan turǵyndaryna karantın tártibin túsindirdi

2020 jyldyń 20 qyrkúıek 2020 19:25

NUR-SULTAN. QazAqparat - Elde karantın rejımi saqtalyp, maska taǵý jáne qoǵamdyq oryndarda áleýmettik qashyqtyq saqtaý mindetti bolyp qala beredi, dep habarlaıdy ákimdiktiń resmı saıty.

Elordalyq shtab eriktileri Nur-Sultan kósheleri men saıabaqtarynda qoǵamdyq oryndarda karantın tártibin saqtaýdyń mańyzy týraly túsindirý jumystaryn júrgizdi. Volonterler qala turǵyndaryn maska taǵýǵa, sondaı-aq áleýmettik qashyqtyq saqtaýǵa jáne toptalyp jınalmaýǵa shaqyrdy.

«Koronavırýs ınfektsııasyn juqtyrý jaǵdaılary áli de tirkelip jatqanyn kórip otyrmyz. Alaıda, bizdiń turǵyndar karantın sharalaryna - áleýmettik qashyqtyq, maska taǵýǵa nemquraıly qaraı bastady. Sondaı-aq adamdar bir-birine qaýip tóndirip, úsh-tórt adamnan, keıbir jerlerde on-on bes adamnan jınala bastady», - dedi «Astana jastary» jastar resýrstyq ortalyǵy basshysy Shyńǵys Tileýlın.





Jol boıy aktsııa uıymdastyrýshylary maskasy joq turǵyndardy kórse toqtatyp, olarǵa tegin maska taratty jáne saqtyq normalarynyń mańyzdylyǵyn esterine saldy. Turǵyndarǵa jaýapsyzdyǵymen óz ómirlerine ǵana emes, jaqyndaryna da qaýip tóndiretinin túsindirý mańyzdy, deıdi uıymdastyrýshylar.

«Biz aldyn alý sharasy retinde túsindirý jumystaryn júrgizdik, biraq aıyppul salǵan joqpyz. Bul jumys júıeli túrde júzege asyrylady. Karantın jeńildetildi, biraq tolyǵymen joıylǵan joq, jáne bul únemi este saqtalýy kerek», - dedi erikti Anel Mansýrova.





Ortalyq saıabaqta ótken aktsııaǵa jıyrma erikti men tórt polıtsııa qyzmetkeri qatysty. Shara jastar saıasaty máseleleri basqarmasy men «Astana jastary» jastar resýrstyq ortalyǵynyń bastamasymen ótti.

Eske sala keteıik, buǵan deıin Memleket basshysy Qasym-Jomart Toqaev karantın tártibin saqtaýǵa shaqyrǵan bolatyn.

«Qalalarda karantındik sharalar saqtalmaıdy, bul juqtyrǵandar sanynyń artýyna ákeledi. Úkimet, oblystardyń, qalalardyń ákimderi jaǵdaıdy túzetýi tıis. Kópshilik oryndarda, qoǵamdyq kólikte maskalar kııý mindetti», – dep jazǵan bolatyn Qazaqstan Prezıdenti Twitter-de.

















Basty sózder: Volonter, Koronavırýs, Ákimdik, Nur-Sultan,
Joǵary qaraı