Aýa raıy
Astana -9 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Vıtse-premer: Úkimet otandyq kásiporyndarǵa jan-jaqty qoldaý kórsetedi

2020 jyldyń 24 qarasha 2020 16:04

TARAZ. QazAqparat – Jambyl oblysyna jumys sapary barysynda QR Premer-Mınıstriniń orynbasary Eraly Toǵjanov bastaǵan úkimettik delegatsııa koronavırýstyq ınfektsııanyń yqtımal jańa tolqynyna daıyndyqty tekserdi, dep habarlaıdy QazAqparat tilshisi.

Tarazda vıtse-premer qalalyq 200 tósektik kópbeıindi aýrýhanasynyń ınfektsııalyq bóliginde boldy. Burynǵy perınataldyq ortalyqtyń ǵımaraty kúrdeli jóndeýden ótip, barlyq zamanaýı standarttarǵa saı keletin jáne medıtsınalyq jabdyqtarmen tolyq qamtamasyz etilgen ınfektsııalyq aýrýhana bolyp jabdyqtalǵan. Qazirgi tańda munda 200 medıtsınalyq kópfýnktsıonaldy tósek, kompıýterlik tomograf, kompıýterlik tomograf, 20 ÓJJ, eki defıbrıllıator, qandaǵy gazdar men elektrolıtterdi anyqtaıtyn avtomattandyrylǵan analızator, ottegi stantsııasy, 30 reanımatsııalyq tósek satyp alyndy.

«Naýqasqa ÓJJ qajet bolatyn asqynýlardyń aldyn alý jáne boldyrmaý qajet»,-dep atap ótti vıtse-premer medıtsına qyzmetkerlerine qarata.

Sondaı-aq, vıtse-premer oblystyq kópbeıindi aýrýhananyń janyndaǵy «Qamqorlyq» ońaltý ortalyǵyna bardy. Ortalyq Qazaqstan Respýblıkasynyń Tuńǵysh Prezıdenti – Elbasy qory ázirlegen «Qamqorlyq» jobasy aıasynda ashylǵan. Joba múmkindigi shekteýli balalardy qoldaýǵa baǵyttalǵan. Mundaǵy balalarǵa keshendi túrde medıtsınalyq, áleýmettik-psıhologııalyq jáne pedagogıkalyq qyzmetter kórsetiledi.

Jergilikti bıýdjet esebinen aǵymdaǵy jyly 70 mıllıon teńgege ǵımarat jóndeýden ótti. Medıtsınalyq qural-jabdyqtar satyp alýǵa 1,1 mıllıardqa jýyq teńge baǵyttalǵan. Ortalyq DTsP-men aýyratyn balalarǵa arnalǵan arnaıy velosıpedteri bar avtodrom jáne basseınmen jabdyqtalǵan. Naýqastar ıppoterapııa qabyldaıdy. Shveıtsarııalyq «Lokomat» trenajerin satyp alynǵan.

Aýrýhana aýmaǵynda vıtse-premer medıtsınalyq qyzmetkerlerge 18 zamanaýı reanomobıl kiltterin tabystady. Olar oblystyq jedel járdem stantsııasynyń parkin tolyqtyrdy.

Jambyl aýdanynda Eraly Toǵjanov medıtsınalyq buıymdardy iri jetkizýshileriniń biri bolyp sanalatyn «Super-pharm» JShS-niń zaýytyna bardy. Zaýyt údemeli ındýstrııalyq-ınnovatsııalyq damytý baǵdarlamasy aıasynda 2011 jyly paıdalanýǵa berilgen. Kásiporynnyń óndiristik qýattylyǵy jylyna shamamen 200 mıllıon medıtsınalyq maqsattaǵy buıym shyǵarýǵa qaýqarly.





Óndiris ornynda 480 adam jumys isteıdi. Jyl sońyna deıin jumysshylar sanyn 600-ge deıin arttyrý josparlanýda. Kásiporyn bir rettik maskalar, bir rettik tósek-oryn japqysh-jıyntyqtary, bahılalar, kombınezondar, bas kıimder, operatsııalyq halattary sekildi barlyǵy 300-ge jýyq buıym túrin shyǵarady.

Vıtse-premer Úkimet aǵymdaǵy máselelerdi sheshý úshin otandyq kásiporyndarǵa jan-jaqty qoldaý kórsetiletindigin basa aıtty.

Eske salsaq, Jambyl oblysyna sapary barysynda Eraly Toǵjanov COVID-19-ǵa qarsy otandyq vaktsına shyǵaratyn zaýytty salý barysymen tanysty.





Joǵary qaraı