Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Vıtse-mınıstr: Otandyq óndirýshiler shıkizatty jeńil baǵamen satyp alady

2021 jyldyń 22 qyrkúıek 2021 11:48

NUR-SULTAN. QazAqparat –Qazaqstandyq qaıta óńdeýshi kásiporyndardy qajetti metaldarmen tolyq kólemde jáne jeńildikti baǵamen qamtamasyz etý úshin shıkizat baǵasyn tómen baǵamen retteý tetigi ázirlendi, dep habarlaıdy QazAqparat tilshisi.

Qazaqstan mashına jasaýshylarynyń ІH forýmynda QR Indýstrııa jáne ınfraqurylymdyq damý vıtse-mınıstri Marat Qarabaev osyndaı derek aıtty.

«Memleket basshysynyń tapsyrmasy boıynsha mınıstrlik iri óndirýshilermen birlesip óńdeýshilerdi metaldarmen tolyq kólemde jáne jeńildikti baǵamen qamtamasyz etý boıynsha ýaǵdalastyqqa qol jetkizdi. Ol úshin otandyq taýar óndirýshiler úshin shıkizat baǵasyn LME (London metaldar bırjasy) tómen baǵamen retteý tetigi ázirlendi», - dedi mınıstrdiń orynbasary.

Vıtse-mınıstrdiń aıtýynsha, bul shara metaldardy qaıta óńdeýdi ulǵaıtýǵa múmkindik beredi, bul óz kezeginde oń áleýmettik-ekonomıkalyq tıimdilikke ákeledi.

«Qazaqstannyń qaıta óńdeý kásiporyndarynyń qoljetimdi shıkizatpen qamtamasyz etilýi olardyń básekege qabilettiligin arttyrady jáne shyǵarylatyn ónimniń túr-túrin ósirýge múmkindik beredi.

Joǵaryda atalǵan sharalar básekege qabiletti joǵary tehnologııalyq ónim óndirýdi damytýǵa, otandyq óndirýshilerdiń Qazaqstan naryǵyndaǵy ustanymyn nyǵaıtýǵa múmkindik beredi jáne jańa ótkizý naryqtaryna shyǵýyna járdemdesedi. Bul biz úshin óte mańyzdy, óıtkeni bizdiń elde aıtarlyqtaı ishki naryq joq. Onyń ústine, eksportqa baǵdarlaný bıznestiń negizgi baǵytyna aınalýǵa tıis. Tabysty otandyq eksporttaýshylar qoǵamda «el damýynyń lokomotıvi» retinde, al olardyń jemisti qyzmeti jalpyǵa ortaq ál-aýqat kózi retinde qabyldanýǵa tıis», - dedi vedomstvo ókili.


Joǵary qaraı