Aýa raıy
Astana 12 °S
Almaty 12 °S
valıýta baǵamy
USD 412.55
EUR 468.66
RUB 5.79
CNY 58.80

Vashıngtonda bolǵan atystan bir adam qaza taýyp, jıyrmasy jaralandy

2020 jyldyń 9 tamyz 2020 22:43

VAShINGTON. QazAqparat - Jeksenbige qaraǵan túni AQSh astanasy Vashıngtonda atys bolyp, 1 adam qaza taýyp, jıyrmasy jaralandy. Bul týraly «QazAqparat» HAA The Washington Post basylymyna silteme jasar habarlaıdy.

Polıtsııanyń habarlaýynsha, jergilikti ýaqyt boıynsha saǵat 00:30-da AQSh astanasynyń ońtústik-shyǵysyndaǵy adamdar kóp jınalatyn jerde qarýlanǵan belgisiz adamdar atysqan. Zardap shegýshiler atys barysynda jan-jaqqa qashqandyqtan qylmys aýmaǵy birneshe kvartaldy alyp jatyr. Jeti adam aýyr jaǵdaıda aýrýhanaǵa jetkizilgen.

Ótken aptanyń jeksenbisinde de Vashıngtonnyń soltústik-batysynda ornalasqan meıramhana mańynda atys bolyp, bir adam qaza tapqan jáne segiz adam jaralanǵan. Ol kezdegi atys kúndiz bolǵan.

Jergilikti polıtsııa qyzmetiniń habarlaýynsha, qalanyń osy bóliginde jyl basynan beri 155 adam atylǵan. Jas ereksheligi boıynsha eń olardyń kishisi 11-de bolsa, eń úlkeni 71 jasta bolǵan.

Polıtseılerdiń aıtýynsha, bárine kináli - zańsyz qarý alyp júrý jáne koronavırýs indetine baılanysty qandaıda bir qylmysqa kúdiktilerdiń bostandyqqa jiberilýi.

Avtor Zarına Qaharman
Basty sózder: Qylmyspen kúres, Oqıǵa, Álem,
Joǵary qaraı