Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Vaktsınalaýdyń nátıjesinde qaladaǵy epıdemıologııalyq ahýal turaqtana bastady - Baqytjan Saǵyntaev

2021 jyldyń 12 qazan 2021 09:28

ALMATY. QazAqparat- Almaty ákimi Baqytjan Saǵyntaevtyń tóraǵalyǵymen koronavırýs ınfektsııasynyń taralýyna qarsy is-qımyl jónindegi jedel shtab otyrysy ótti, dep habarlaıdy QazAqparat tilshisi.

«Qabyldanǵan júıeli sharalar men halyqty vaktsınalaýdyń arqasynda derttiń aptalyq kórsetkishi 100 myń turǵynǵa shaqqanda 169-dan 134,6-ǵa deıin tómendedi. Jyl basynan 10 qazanǵa deıingi kezeńde 154,7 myń KVI jaǵdaıy tirkeldi. Sońǵy táýlikte vırýs 326 adamnan anyqtaldy. Ótken aptada juqtyrý ındeksi 0,94-ten 0,89-ǵa deıin tómendedi»,- dedi ákim. Qalanyń Sanıtarlyq-epıdemıologııalyq baqylaý departamentiniń derekteri boıynsha Almaty halqynyń ımmýndyq qabaty shamamen 53 paıyz boldy. Halyqtyń resmı sanynyń 45%-y jyl basynan beri aýyrǵandardyń +7,7%-y eki komponentpen egildi. Bul rette vaktsınanyń tıimdiligi baıqalady.

Bıylǵy jyldyń 10 qazanyna deıingi ýaqytta vaktsınanyń eki komponentin 892 482 adam aldy. Onyń ishinde 2 717 turǵyn aýyrdy, ıaǵnı barlyǵy 0,3%. Aýyrǵandardyń jas quramyn salystyrmaly taldaý kezinde sońǵy 2 aptada 20-39 jas aralyǵyndaǵy neǵurlym belsendi azamattar arasynda syrqattaný 1,6% -ǵa, 40-59 jas aralyǵynda – 1,3%-ǵa, 60 jastan joǵary - 0,7%-ǵa ósýi baıqalady. 14 jasqa deıingi balalar men jasóspirimderdiń syrqattanýy tıisinshe 0,9%-ǵa jáne 0,6%-ǵa tómendedi. Sońǵy 7 kúnde aýrý ózin-ózi jumyspen qamtyǵan jáne jumys istemeıtin azamattar esebinen qalyptasty – 27%, zeınetkerler – 24% (1%-ǵa ósti), kásiporyndar men uıymdar qyzmetkerleri – 22% (1%-ǵa ósti), oqýshylar-12,3% (3%-ǵa tómendedi) jáne mektep jasyna deıingi balalar – 4,3% (0,9%-ǵa tómendedi). Offlaın oqýdaǵy oqýshylardyń naýqastanýy onlaın oqýǵa qaraǵanda 10 ese tómen.

Juqtyrýdyń naqtyly anyqtalǵan oryndary boıynsha aldyńǵymen salystyrǵanda sońǵy aptada týystarmen, kórshilermen jáne tanystarmen baılanys kezinde 0,4% jáne 0,7%-ǵa tómendeýi jalǵasýda. Juqtyrýdyń yqtımal oryndary boıynsha bazarlarda – 2,8%-ǵa, azyq-túlik saýda jelilerinde, sýper-gıpermarketterde – 0,7%-ǵa, azyq-túlik emes dúkenderde – 0,6%-ǵa, qoǵamdyq kólikte – 1,8%-ǵa, otbasylyq is-sharalardy ótkizý kezinde – 0,4%-ǵa ósý baıqalady. Ótken aptanyń qorytyndysy boıynsha basty juqtyrý oryndary saýda obektileri – 34%, qoǵamdyq kólik – 20%, otbasylardaǵy baılanystar – 16%, bazarlar – 13%.

Jedel shtab otyrysy barysynda Baqytjan Saǵyntaev vaktsınatsııa boıynsha túsindirý jumystaryn kúsheıtýdi, bilim berý nysandaryndaǵy epıdemıologııalyq ahýalǵa monıtorıngti jalǵastyrýdy, shekteý sharalarynyń saqtalýyn baqylaýdy tapsyrdy. Sonymen qatar, densaýlyq saqtaý basqarmasyna tumaý men vaktsınatsııa kúntizbesine kiretin aýrýlarǵa qarsy vaktsınalaýdy jalǵastyrý tapsyryldy.


Avtor Alma Muqanova
Basty sózder: Almaty, Qoǵam, Koronavırýs, Vaktsına,
Joǵary qaraı