Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Vaktsınalaý: Qyzylorda oblysynyń daıyndyǵy qandaı

2021 jyldyń 27 qańtar 2021 17:54

QYZYLORDA. QazAqparat - Qyzylorda oblysynda koronavırýs ınfektsııasyna qarsy ekpe egýge baılanysty daıyndyq jumystary bastalyp ketti, dep habarlaıdy QazAqparat tilshisi.

Aıta keteıik, óńirde qaýipti indetke qarsy vaktsınalaýdy aqpan aıynda bastaý josparlanǵan.

Qazir vaktsınatsııalaýǵa jatatyn toptar boıynsha adamdar sanyn naqtylaý jumystary atqarylýda. Sondaı-aq, vaktsınany saqtaýǵa jáne tasymaldaýǵa arnalǵan qural-jabdyqtardy tekserýge mán berilgen. Oǵan qosa egý pýnkterin jaraqtandyrý baǵytynda qajetti is-sharalar júrgizilýde.

«Telemedıtsına arqyly «Spýtnık V» vaktsınasyn egýdiń alǵysharttary jaıynda maǵlumattar berildi. Bul maqsatta medıtsınalyq uıymdardyń jaýapty mamandary men epıdemıologtar oqýdan ótti. Mamandar qabyldaý, tasymaldaý, egý jumystaryn uıymdastyrý algorıtmi, vaktsınatsııalaý kórsetkishteri men qarsy kórsetilimder taqyrybynda biliktiligin arttyrdy. Vaktsınatsııalaý emdeý mekemeleriniń ekpe kabınetinde júrgiziledi. Búginde oblys boıynsha 154 osyndaı oryn belgilendi. Budan bólek shalǵaı eldi meken turǵyndaryna ekpe salý úshin 64 jyljymaly egý brıgadasy qarastyrylǵan», - dep habarlady Qyzylorda oblysy ákiminiń baspasóz qyzmetinen.

Búgingi kúnge deıin Qyzylorda oblysy boıynsha COVID-19 ınfektsııasynyń 3558 deregi tirkeldi. Barlyq jaǵdaıdyń 55% aýrý sımptomdarymen, 45% klınıkalyq belgilerinsiz anyqtalǵan. Naýqastardyń 62% Qyzylorda qalasynyń úlesinde, ol shamamen 2207 adamdy quraıdy. Al aýdandar boıynsha Aralda -107, Qazalyda - 96, Qarmakshyda -167, Jalaǵasht - 115, Syrdarııada -188, Shıelide - 98, Jańaqorǵanda -380 jaǵdaı esepke alynǵan.


Joǵary qaraı