Vaktsına saldyrǵan Berdibek Saparbaevtyń jaǵdaıy qalaı
NUR-SULTAN. QazAqparat – Koronavırýsqa qarsy otandyq vaktsınany saldyrǵan Jambyl oblysynyń ákimi Berdibek Saparbaevtyń jaǵdaıy qalaı? Ortalyq kommýnıkatsııalar qyzmetiniń alańynda tilshilerdiń bul suraǵyna Densaýlyq saqtaý birinshi vıtse-mınıstri Marat Shoranov jaýap berdi, dep habarlaıdy QazAqparat tilshisi.
«Ótken aptada biz Jambyl oblysynda boldyq. Aımaq basshysy ózin jaqsy sezinedi. Kúsh-qýaty men qaıraty toly ekenin, óz mindetterin oryndap jatqanyn kórdik», - dedi Marat Shoranov.
Ol sondaı-aq ákim óziniń jasyna qaramastan nelikten erikti bolyp, vaktsınany saldyrǵanyn túsindirdi.
«Bizdiń nege ruqsat bergenimizge baılanysty aıtar bolsaq, sizder klınıkalyq synaqtyń demeýshisi - osy vaktsınany jasaýshynyń ózi ekenin túsinýińiz kerek. Densaýlyq saqtaý mınıstrligi bul kezeńde, ıaǵnı eriktilerdi tańdaý kezinde qarsy kórsetilimderdi anyqtamaıdy: adamdar erikti vaktsınalaýǵa jáne zertteýge qatysa alady», - dep atap ótti spıker.
