Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Vaktsına - indetpen kúresýdiń basty joly - Baqtyǵalı Erejepov

2022 jyldyń 15 qańtar 2022 15:11

ShYMKENT. QazAqparat – Qazir Shymkent qalasynda koronavırýsqa qarsy jaǵdaı óte kúrdeli. Qala «qyzyl aımaqqa» endi. Naýqastar sany kúnnen kúnge artyp keledi. Sondyqtan kópshilikti ekpe saldyrýǵa shaqyramyn – deıdi Shymkent qalalyq Juqpaly aýrýlar aýrýhanasynyń bas dárigeri Baqtyǵalı Erejepov.

Búginde aýrýhanaǵa túsken naýqastarǵa em-shara tıisti deńgeıde kórsetilip jatyr.

Dárigerdiń aıtýynsha, tósek-oryndardyń barlyǵy ottegimen qamtylǵan jáne eki aıǵa jetetin dárilik qory daıyndalǵan. Jasandy tynys alý apparaty, KT, tsıfrly rentgen syndy ınfektsııaǵa shaldyqqan naýqastardy tekserýge, emdeýge qajetti jabdyqtardyń barlyǵy bar.

«Qaladaǵy koronavırýsqa qarsy jaǵdaı óte kúrdeli. Qazir Shymkent qalasy qyzyl aımaqqa endi. Ótken jyldyń sońynda kúnine 14-15 naýqas em qabyldaǵan bolsa, qazir 140-150 adamǵa deıin vırýs juqtyryp jatyr. Sondyqtan aýrýdyń taraýynyń aldyn alý úshin vaktsına saldyrý qajet. Al, vaktsına alǵandardy revaktsınatsııa alýǵa shaqyramyn» - deıdi dáriger.

Sondaı-aq, Baqtyǵalı Erejepov qala turǵyndary karantın talaptaryn qatań saqtaý kerektigin aıtty.

«Keshegi kúni Shymkent qalasynyń bas sanıtar dárigeri jańa qaýlyǵa qol qoıdy. Qaýlyǵa sáıkes, Ashyq jobasyna qatysatyn nysandarda 30 adamǵa deıingi as berýdi qospaǵanda, ashyq aýada, jabyq úı jaılarda, onyń ishinde úıde de otbasylyq, eske alý is-sharalaryn, kópshilik is-sharalardy ótkizýge jáne olarǵa qatysýǵa tyıym salynady. Sondaı-aq, saltanatty as berý, otbasylyq is-sharalardy ótkizý, konferentsııalar, forýmdar, adamdar kóp jınalatyn oıyn-saýyq jáne ózge de is-sharalar, kórmeler men marafondar, kórermender qatysatyn sporttyq is-sharalar ótkizýge bolmaıdy. Biz bas sanıtar dárigerdiń qaýlydaǵy kórsetken erejerelin qatań saqtaýymyz qajet» - deıdi dáriger.


Joǵary qaraı