Aýa raıy
Astana 1 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Vetnamǵa surapyl daýyl jaqyndap qaldy, 500 myń adam evakýatsııalanbaq

2020 jyldyń 17 qyrkúıek 2020 15:32

NUR-SULTAN. QazAqparat – Vetnam bıligi jaqyndap qalǵan «Noýl» tropıktik daýylyna baılanysty 500 myńnan astam adamdy qaýipsiz jerge shyǵarýǵa daıyndalýda. «Noýl» - jyldamdyǵy 120 m/s deıin jetetin, taıfýn kúshine ıe daýyl, dep habarlaıdy QazAqparat vetnamdyq VnExpress International basylymyna silteme jasap.

Vetnam meteorologııalyq qyzmetiniń málimetinshe, Fılıppınnen batysqa qaraı, teńizde qalyptasqan «Noýl» daýyly qazirgi kezde Parasel araldaryna jaqyndap qalǵan. Aldaǵy táýlikte tabıǵı apattyń Vetnamnyń ortalyq provıntsııalary – Kýangbın, Thyathen-Hıýe jaǵalaýyna, sondaı-aq Danang qalasyna jetetini kútilip otyr.

Sınoptıkter jaǵalaýdaǵy aýdandarda daýyl saldarynan qatty jańbyr jaýyp, sý tasqyny bolatynyn, al taýlarda kóshkin júrýi múmkin ekenin eskertti.

Vetnam eliniń ulttyq qorǵanys mınıstrligi apat saldarymen kúres júrgizý úshin ulttyq armııanyń áskerı qyzmetkerlerin jumyldyrdy. Ortalyq provıntsııalardyń bıligi turǵyndardy jappaı evakýatsııalaýǵa daıyndalýda.


Basty sózder: Álem, Oqıǵa,
Joǵary qaraı