Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ujymdar men kommertsııalyq uıymdar qaıyrymdylyqqa 6,2 mlrd teńge jumsady

2021 jyldyń 3 jeltoqsan 2021 15:35

PAVLODAR. QazAqparat – «Qaıyrymdy ister marafony» aıasynda ujymdar men kommertsııalyq uıymdar qaıyrymdylyqqa 6,2 mlrd teńge jumsady. Bul týraly «Jomart júrek» syılyǵy laýreattaryn marapattaý saltanatty sharasynda QR Aqparat jáne qoǵamdyq damý mınıstri Aıda Balaeva aıtty, dep habarlaıdy QazAqparat tilshisi.

«Degenmen eń mańyzdysy – Memleket basshysy Qaıyrymdy ister marafonyna bastamashylyq jasaı otyryp, qazaqstandyqtarǵa basty qundylyǵy – jomarttyq, meıirim qaǵıdaty jáne adamdardyń ómirin jaqsartýǵa degen qarapaıym adamı nıet bolatyn qoǵamdastyqty birlesken kúsh-jigermen qurýdy usyndy. Jáne de bul maqsatqa qol jetkizdik. Búkil elimizde tóńiregine beı-jaı qaramaıtyn myńdaǵan azamat pen uıym qatysyp, ony shyn máninde jalpyulttyq jobaǵa aınaldyrdy. Marafonǵa 1 200 ÚEU men volonterlik uıym, 300-den astam bilim berý uıymy, 360 ujym men kásipodaq qatysty. Ujymdar men kommertsııalyq uıymdardyń qaıyrymdylyqqa jibergen qarajatynyń jalpy somasy 6,2 mlrd teńgeden asty», - dep atap ótti Aıda Balaeva.

Sonymen qatar mınıstr Prezıdent bastamalaryn qoldaý isinde barlyq kórsetkish boıynsha Pavlodar, Shyǵys Qazaqstan, Qaraǵandy jáne Aqmola oblystary kósh basynda bolǵanyn basa aıtty.

«Memleket basshysy atap ótkendeı, memleket tarapynan volenterlik pen qaıyrymdylyqty qoldaý is-sharalary jalǵasatyn bolady. Bıyl biz Volonterlikti qoldaý jol kartasyn júzege asyrýdy bastadyq. Qaıyrymdylyq qyzetti damytý jónindegi is-sharalar da nátıjeli bolyp shyqty. Aıtalyq, Prezıdenttiń tapsyrmasymen qazirgi ýaqytta Májilis qaraýynda jatqan volonterlik pen qaıyrymdylyqty damytý máseleleri jóninde zańnamaǵa túzetýler toptamasyn ázirledik. Ótken jyly josparlanǵandaı úkimettik emes uıymdardyń odan ary ınstıtýtsııalandyrý jónindegi jumys jandandyryldy. Bıyl «ÚEU akademııasy» bazasynda ǵana 800 úkimettik emes uıym tegin oqýdan ótti», - dedi Aıda Balaeva.


Joǵary qaraı