Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Úzdik ekskýrsovod – 2021: Kókshetaýda respýblıkalyq baıqaýdyń júldegerleri anyqtaldy

2021 jyldyń 30 qarasha 2021 09:49

KÓKShETAÝ. QazAqparat - Qazaqstannyń 2021 jylǵy mádenı astanasy – Kókshetaý qalasynda tuńǵysh «Úzdik ekskýrsovod» respýblıkalyq baıqaýy ótti. Qazaqstan Respýblıkasy Táýelsizdiginiń 30 jyldyǵyna arnalǵan «30» juldyzdy kún aıasynda Aqmola oblysy ákimdiginiń qoldaýymen uıymdastyrylǵan baıqaýǵa Almaty, Jambyl, Qaraǵandy, Qostanaı, Aqmola jáne Soltústik Qazaqstan oblystarynan kelgen 12 bilikti ekskýrsovod qatysty, dep habarlaıdy QazAqparat tilshisi.

Oblystyq mádenıet basqarmasy baspasóz qyzmetiniń málimetinshe, búgingi jahandaný zamanynda elimizdiń tarıhy men aıbaryn halyqqa tanytyp, táýelsizdigimizdi tuǵyrly etý jolyndaǵy josparlar men isterdi el ishine jetkizý mańyzdy da jaýapty mindettiń biri bolyp otyr. Osy oraıda halqymyzdyń ǵasyrlardan tamyr tartatyn ótkenin, ıaǵnı, tarıhyn halyq arasyna, keıingi urpaqqa taratýda mýzeılerdiń mańyzy zor. Mýzeı - ǵylymı, mádenı-tarıhı ortalyq. Mýzeıler - birneshe dáýirdiń tarıhyn, etnografııasyn, tarıhı tulǵalaryn, ónerin jınaqy túrde urpaqtan urpaqqa jalǵap otyratyn ınstıtýt. Sonymen qatar ol jınaqtalǵan murany ǵylymı túrde zerttep, zerdelep, halyqtyń tarıhyn, mádenıetin, salt-dástúrin tanytyp otyrady.




Osy oraıda, mýzeı ekskýrsovodtarynyń bilim tereńdiligi, jan-jaqty damýy mańyzy óte zor.

Táýelsizdiktiń mereıtoıyna arnalǵan baıqaý «Rýhanı jańǵyrý» baǵdarlamasynyń «Týǵan jer» arnaıy jobasyn júzege asyrý, Qazaqstannyń kıeli jerlerin nasıhattaý, tarıhı-mádenı keńistikti ıgerý arqyly mýzeı qyzmetkeriniń mádenı jáne bilim deńgeıin arttyrý, boılarynda patrıotızm sezimin damytý, týǵan ólkeniń tarıhy men mádenıetin qurmetteý men uqypty qaraýǵa tárbıeleý, ekskýrsııalyq qyzmettiń damýyna yqpal etý maqsatynda uıymdastyryldy.

Quzyretti qazylar alqasynyń quramyna mýzeolog, ICOM Kazakhstan komıtetiniń vıtse-prezıdenti Nurserik Jolbarys, akademııalyq dotsent, belgili tarıhshylar jáne qoǵam qaıratkerleri qatysty.




Baıqaýdyń qorytyndysy boıynsha Gran-prı dıplomy jáne 500 myń teńge sertıfıkatyna Valentına Pavlık (QR Tuńǵysh Prezıdentiniń tarıhı-mádenı ortalyǵy (Temirtaý qalasy Qaraǵandy oblysy) ıelendi, 1-shi júldeli oryn dıplomy men 300 myń teńge sertıfıkatymen Aıagóz Mahmetova - Málik Ǵabdýllın mýzeıi (Aqmola oblysy), 2-shi oryn dıplomy men 200 myń teńge somasyndaǵy sertıfıkatpen – Aınagúl Zaıt Kókshetaý qalasy tarıhy mýzeıi (Aqmola oblysy), 3-shi oryn dıplomy jáne 100 myń teńge sertıfıkatymen Aleksandr Kýrgýzkın - Rýdnyı tarıhı-ólketaný mýzeıi (Qostanaı oblysy) marapattaldy.




Sonymen qatar, «Kreatıvti ekskýrsovod» atalymy boıynsha Álıasqar Nábıev - Abylaı han rezıdentsııasy mýzeı kesheni (Soltústik Qazaqstan oblysy) ıelense, «Kórermender kózaıymy» atalymynda Aıgúl Serikova - M.Tynyshpaev atyndaǵy Almaty oblystyq tarıhı - ólketaný mýzeıi (Almaty oblysy) úzdik atandy.


Joǵary qaraı