Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Uıǵyr mádenı ortalyǵy Penjim aýylynda tóbelesten jaraqat alǵan balaǵa kómektesýge ázir

2021 jyldyń 28 qazan 2021 13:08

NUR-SULTAN. QazAqparat - Qazaqstan halqy Assambleıasyna qarasty Qazaqstan uıǵyrlary respýblıkalyq mádenı ortalyǵy Almaty oblysyndaǵy jappaı tóbelesten zardap shekken balaǵa búkil kómekti kórsetýge ázir. QazAqparat ortalyqtyń málimdemesiniń mátinin jarııalaıdy.

«Qurmetti Qazaqstan azamattary! Panfılov aýdanynyń Penjim aýylynda 27 qazanda bolǵan oqıǵa buqaralyq aqparat quraldarynda jáne áleýmettik jelilerde belgili bir rezonans týdyrdy. Ókinishke qaraı, jergilikti mekteptiń 9-10 synyp oqýshylary arasyndaǵy tóbelesten uldardyń biri - Nurbol Ádilhan aýrýhanaǵa tústi.

Biz, «Qazaqstan uıǵyrlary respýblıkalyq mádenı ortalyǵynyń» basshylary jasóspirimniń ata-anasyna shyn júrekten qaıǵyryp, ony emdeý men ońaltýǵa qajetti kez kelgen kómekti kórsetemiz.

Ekinshi jaǵynan, biz, oryn alǵan bul oqıǵany, áleýmettik jelilerde etnosaralyq janjal retinde kórsetýge tyrysýdan bas tartamyz.

Iıa, 28 qazanǵa qaraǵan túni aýyldyń keıbir turǵyndary úıler men kólikterdiń terezelerine tas laqtyryp, usaq buzaqylyqqa jol berdi.

Sonymen qatar áleýmettik jelilerde atalmysh etnosaralyq qaqtyǵystar týraly tarap jatqan qaýesetterdiń eshqandaı negizi joq ekenin jaýapkershilikpen málimdeımiz.

Almaty oblysy basshylyǵynyń, quqyq qorǵaý organdary men Qazaqstan halqy Assambleıasy músheleriniń jedel is-qımyldarynyń nátıjesinde aýylda qoǵamdyq qaýipsizdik, azamattardyń beıbitshiligi men tynyshtyǵy qamtamasyz etildi.

Qazaqstan halqy Assambleıasy tóraǵasynyń qoǵamdyq orynbasary Z.Kýzıev, Qazaqstan uıǵyrlary respýblıkalyq mádenı ortalyǵynyń ókilderi Penjim aýylynda jáne jıgıt-beshımen birge bılik pen polıtsııaǵa osy oqıǵany sheshýge kómektesýde.

Biz tóbeleske jáne arandatýshylyqqa qatysy bar adamdardyń barlyǵy zańǵa sáıkes jazalanatynyna senimdimiz. Biz azamattardy sabyrlyq saqtaýǵa, resmı aqparatqa senýge jáne ártúrli jalǵan habarlamalarǵa, áleýmettik jelilerdegi qyzýqandylyqqa boı aldyrmaýǵa shaqyramyz! Panfılov aýdanynyń qazaqtary men uıǵyrlary jaqsy qarym-qatynastardy, kópjyldyq dostyqty, baýyrlastyq baılanystardy baǵalaıdy jáne «zııandy arandatýshylar» osy oqıǵany paıdalanyp, aradaǵy dostyqqa syzat túsirýge jol bermeıdi».

Esterińizge sala keteıik, buǵan deıin Panfılov aýdany Penjim aýylynda oqýshylar arasynda jappaı tóbeles bolǵanyn habarlaǵan bolatynbyz.

Almaty oblystyq polıtsııa departamenti baspasóz qyzmetiniń resmı aqparatyna sáıkes, atalǵan fakti boıynsha QR QK 293-babynyń 2-bóligi boıynsha qylmystyq is qozǵaldy.

Dárigerler zardap shekken balanyń densaýlyǵy týraly aıtty.


Joǵary qaraı