Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Ustazyńdy quttyqta» baıqaýynyń jeńimpazdary anyqtaldy - Bilim mınıstrligi

2021 jyldyń 10 qazan 2021 16:30

NUR-SULTAN. QazAqparat - QR Bilim jáne ǵylym mınıstrligi «Ustazyńdy quttyqta» aktsııasynyń qorytyndysyn shyǵardy, dep habarlaıdy QazAqparat atalmysh vedomostvonyń baspasóz qyzmetine silteme jasap.

Atap aıtqanda, Kókshetaý qalasyndaǵy №11 mektep-gımnazııasynyń 1 G synyp oqýshylary jáne Qyzylorda qalasynyń turǵyny Qarlyǵash Abdrahmanova jeńimpaz atandy. Kókshetaýlyq búldirshinder ózderiniń synyp jetekshisi Hasenova Baqytjan Qaıyrkenqyzyn kásibı merekemen quttyqtady .

Al pedagog Qarlyǵash Ábdirahmanova ustazy Ázıza Isahaevaǵa jyly lebizin bildirdi.

Baıqaý jeńimpazdary QR Bilim jáne ǵylym mınıstrliginiń atynan estelik syılyqtar alady.

Esterińizge sala keteıik, buǵan deıin muǵalimderdiń kásibı merekesi qarsańynda Bilim jáne ǵylym mınıstrligi «Ustazyńdy quttyqta» baıqaýyn jarııalaǵan bolatyn. Aktsııaǵa elimizdiń túkpir-túkpirinen júzden astam qazaqstandyq qatysty. Olar Instagram jáne Facebook áleýmettik jelilerindegi paraqshalarynda #denýchıtelıa #pozdravsvoegoýchıtelıa #ustazdarkúni #ustazyńdyquttyqta heshtegimen jazbasha formatta foto jáne beıne quttyqtaýlar jarııalady.

Aktsııanyń maqsaty — muǵalimderge qyzyǵy men qıyndyǵy qatar júretin ıgi eńbegi úshin alǵys aıtý.


Joǵary qaraı