Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Úshtóbe turǵyny taǵy da zıratty qıratqany úshin ustaldy

2022 jyldyń 17 mamyr 2022 13:00

TALDYQORǴAN. QazAqparat - Almaty oblysynyń Úshtóbe qalasynda zıratty qıratqan kúdikti ustaldy, - dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, 34 jastaǵy kúdiktiniń psıhıkalyq aýytqýy bar. Ol buǵan deıin de molalardy qıratyp, ustalǵan. Biraq burynǵy ádetin qoımaı keledi.

«14 mamyr kúni molanyń buzylǵandyǵy, vandalızm faktisi bolǵandyǵy jóninde habarlama tústi. Oqıǵa Qaratal aýdanynda bolǵan. Jedel-tekserý barysynda atalǵan fakti rastaldy. Kúdikti retinde Úshtóbe qalasynyń 34 jastaǵy turǵyny ustaldy. Ol qańtar aıynda ǵana osyndaı áreketi úshin ustalyp, psıhonevrologııalyq dıspanserge jatqyzylǵan bolatyn. Belgili bolǵandaı, er adam eki aı sol dıspanserde emin alyp, úıine oralǵanda qaıta molalardy qıratýǵa kirisken», - dedi Qaratal aýdandyq polıtsııasynyń bastyǵy Raýan Abraımov.

Vedomstvonyń aqparatyna sáıkes, kúdiktini taǵy da dıspanserge jatqyzǵan. Dárigerlerdiń tekserýinen keıin oǵan qatysty is sotqa jiberiledi.











Joǵary qaraı