Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

«Úsharal-Dostyq» respýblıkalyq mańyzy bar avtojol ýchaskesi jabyq - TJM

2021 jyldyń 18 qańtar 2021 12:11

NUR-SULTAN. QazAqparat - 2021 jyldyń 15 qańtarynda saǵat 09.00-den bastap qatty jel turyp, boran, burqasyn bolyp, jolda kórý qıyndaǵan soń Almaty oblysynyń Alakól aýdanynynda «Úsharal-Dostyq» (Kóktuma a.-Dostyq a., 84-184 shaqyrym) respýblıkalyq mańyzy bar avtojol ýchaskede avtokólikterdiń barlyq túri úshin jol jabyldy.

Bul týraly QazAqparat QR Tótenshe jaǵdaılar mınıstrliginiń baspasóz qyzmetine silteme jasap habarlaıdy.

Qazirgi ýaqytta jaǵdaı turaqty, ári baqylaýda. Jol qyzmetteri joldardy tazalaýda. Avtojolda 9 júk avtokóligi tur, al júrgizýshiler «Dostyq» stantsııasynda kútýde.

«Úsharal-Dostyq» avto jáne temirjol qatynasy Jońǵar qaqpasy dep atalatyn ýchaske arqyly ótedi. Taý ótkeliniń aıta keterlik ereksheligi, bul jerde jeldiń ekpini sekýndyna 70 metrge deıin jetedi.

Qysqy kezeńniń basynan bastap aýa raıynyń nasharlaýyna baılanysty «Úsharal-Dostyq» baǵytyndaǵy avtojol 12 ret jol jabyldy. Sondaı-aq avtojoldyń osy ýchaskesinde 47 adam qutqarylyp, evakýatsııalandy jáne 18 tehnıka qar qursaýynan shyǵaryldy.

«Jalpy, 2020-2021 jyldardaǵy qys mezgiliniń basynan beri el turǵyndaryna «112» telefon nómiri boıynsha 2 040 SMS-habarlama, «Dármen» mobıldi qosymshasy arqyly 678 habarlama jiberildi. Elimizde 651 ret aýa raıyna baılanysty eskertý jarııalandy. Elimizdegi respýblıkalyq mańyzy bar avtojoldar 28 ret jabylyp, 34 ret sheteý qoıyldy»,-dep málimdedi QR TJM resmı ókili Talǵat Ýálı.

Alaıda, osy eskertýlerge qaramastan, adamdar jolǵa shyǵyp, qar qursaýynda qalǵan jaǵdaılar boldy. Osylaısha, qar qursaýynan 204 adam, onyń ishinde 14 bala qutqaryldy. 186 adam, onyń ishinde 5 bala evakýatsııalandy. Qutqarýshylar qar qursaýynan 57 avtokólikti shyǵardy.

Qajet bolǵan jaǵdaıda ákimdikter qar qursaýynda qalǵan adamdar úshin jylytý pýnktterin uıymdastyrylady. Budan basqa, qajet bolǵan jaǵdaıda respýblıkalyq mańyzy bar avtojoldarda ornalasqan Tótenshe jaǵdaılar mınıstrliginiń 40 trassalyq medıtsınalyq-qutqarý pýnkti jylytý pýnktteri retinde paıdalanylady.

«Qysta kólikpen alys jolǵa shyqpas buryn, mindetti túrde aýa raıy boljamyn qaraý qajet.

Eger qatty boran bolsa, siz jol keptelisine túsip qalýyńyz múmkin. Tipti jol-kólik oqıǵasyna da tap bolýyńyz yqtımal.

Eger Sizge qandaı da bir eldi mekenge shuǵyl barý kerek bolsa, mejeli jerge kedergisiz jetý úshin temir jol kóligin paıdalanyńyz.

Eger Siz osy qarapaıym nusqaýlardy oryndasańyz, bul boran kezinde jáne borannan keıin aman qalýǵa kómektesedi»,-delingen habarlamada.


Joǵary qaraı