Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Úsh myń dáriger biliktiligin arttyrdy

2021 jyldyń 25 qazan 2021 17:35

NUR-SULTAN. QazAqparat – Bıyl 3 myń jalpy praktıka dárigeri biliktilik arttyrý kýrstaryna jiberiledi. Bul týraly Májilis depýtattarynyń saýalyna QR Premer-Mınıstriniń orynbasary Eraly Toǵjanovtyń jaýabyna aıtylǵan, dep habarlaıdy QazAqparat tilshisi.

Vıtse-premer jaýabynda Qazaqstan boıynsha rezıdentýrada kadrlar daıarlaýǵa oblystyq densaýlyq saqtaý basqarmalary bergen 1 656 ótiniminiń 1 500-i qanaǵattandyrylǵanyn atap ótedi. Al dárigerlik kadrlar teńgerimsizdigi barynsha joǵary óńirlerde olardyń qajettiligi tolyq derlik jabyldy.

«Máselen, Aqmola oblysy boıynsha 257 mamanǵa degen qajettilikti, bilim jáne ǵylym uıymdaryna olardyń óńirlik ornalasýyn eskere otyryp, 2021-2022 oqý jylyna memlekettik bilim berý tapsyrysy boıynsha 216 oryn nemese qajettiliktiń 84 paıyzy bólindi. Qostanaı oblysynda óńirge ótinim bergen kezde 250 mamanǵa rezıdentýrada 233 oryn nemese qajettiliktiń 93 paıyzy ornalastyryldy»,- dedi Eraly Toǵjanov.

Sonymen qatar ol 2021 jylǵy 12 qazanda Úkimettiń qaýlysymen «Deni saý ult» árbir azamat úshin sapaly jáne qoljetimdi densaýlyq saqtaý» ulttyq jobasy bekitilgenin atap ótedi.

«Onda medıtsına kadrlaryn, onyń ishinde arnaıy jáne tapshy mamandyqtardy daıarlaýǵa arnalǵan granttardyń sanyn 2021 jylǵa bólingen 1500-den 2025 jyly 2000-ǵa deıin ulǵaıtý josparlandy. 2021 jyly 3000 jalpy praktıka dárigerlerin (2020 jyly – 2525 adam oqytyldy) biliktiligin arttyrý kýrstaryna jiberý josparlandy», - dedi Úkimet basshysynyń orynbasary.


Avtor Marlan Jıembaı
Basty sózder: Medıtsına, QR Úkimeti,
Joǵary qaraı