Urlanǵan kóliktiń sońynan qýǵan aqtaýlyq polıtseıler vıdeoǵa túsip qaldy

AQTAÝ. QazAqparat - Urlanǵan kóliktiń sońynan qýǵan aqtaýlyq polıtseıler vıdeoǵa túsip qaldy, dep habarlaıdy QazAqparat tilshisi Mańǵystaý oblystyq Polıtsııa departamentiniń baspasóz qyzmetine silteme jasap.
Departamenttiń habarlaýynsha, 19 qarasha kúni saǵat 12:07-de Beıneý aýdandyq polıtsııa bóliminiń 102 kezekshi pýltine avtojanarmaı quıý stantsııasynan «Lexus» markaly avtokólik urlanǵany týraly qońyraý túsken.
«Beıneý aýdandyq polıtsııa bólimi urlanǵan avtokólikti izdeýge jeke quramdy jumyldyrdy. Kúdikti ustalyp, polıtsııa bólimine jetkizildi. Qazirgi ýaqytta tergeý amaldary júrgizilýde», delingen habarlamada.