Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Úndistanda alapat sý tasqynynan júzdegen adam mert boldy

2021 jyldyń 25 shilde 2021 07:37

NUR-SULTAN. QazAqparat – Úndistannyń batysynda qutqarýshylar Goa jáne Maharashtra shtattarynda bolǵan alapat sý tasqyny saldarynan tiri qalǵandardy izdestirý maqsatynda qulaǵan ǵımarattardyń ornyn tekserip jatyr.

Bul týraly QazAqparat BBC agenttigine silteme jasap habarlaıdy.

Maharashtra shtatynda tabıǵat apaty saldarynan 136 adam mert boldy. Bılik ókilderi qaza tapqandar sany budan da kóp bolýy múmkin dep alańdap otyr.

Sý basqan aýdandardan ondaǵan adam evakýatsııalandy. Týrıster arasynda tanymal Goa shtatynda úılerdi sý basyp, myńdaǵan ǵımaratqa zaqym keldi. Mýmbaı aýmaǵynda ondaǵan adam iz-túzsiz joǵalyp ketti.

Agenttiktiń habarlaýynsha, Úndistanda nóser jaýyn, maýsym men qyrkúıek aralyǵynda jylda jaýady. Alaıda mundaı jaǵdaı Goa shtatynda kópten beri bolmaǵan.

Vıshvadjıt Reın shtatynyń Densaýlyq saqtaý mınıstriniń habarlaýynsha, mundaı kólemdegi jaýyn Goada 50 jyldan beri bolmaǵan.

«Turǵyndar qolda barynyń bárinen aıyryldy»,-dep beıneledi ol shtataǵy jaǵdaıdy.

Mýmbaı qalasy mańyndaǵy Talııe aýylynda sel júrgen soń tek eki beton úı ǵana qalyp, ondaǵan úı 1 mınýtta buzylyp, joq boldy, dep habarlaıdy Frans Press kýágerlerdiń sózine silteme jasap. Oqıǵanyń saldarynan 40-tan astam adam mert boldy.


Joǵary qaraı