Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Úndistan men Malaızııada koronavırýs órship tur

2021 jyldyń 23 qyrkúıek 2021 21:53

NUR-SULTAN. QazAqparat - Malaızııa koroldiginde koronavırýs juqtyrǵandar sany artyp keledi, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Ótken táýlikte ınfektsııa saldarynan 487 naýqas qaıtys boldy, 14 990 jańa SARS-CoV-2 tasymaldaýshysy anyqtaldy. Olardyń ishinde shetelden ınfektsııa tasymaldanýynyń 5 jaǵdaıy bar. Jalpy alǵanda, koronavırýstyq pandemııa bastalǵannan beri ınfektsııa juqtyrǵandar sany 2 142 924-ke jetti, 24 565 adam qaıtys boldy.

Qazirgi tańda Malaızııanyń juqpaly aýrýlar gospıtaldarynyń reanımatsııa bólimshelerinde 1 114 patsıent bar, olardyń 615-i jasandy tynys alý apparatyna qosylǵan.

Úndistanda COVID-19 vırýsynyń taraýy táýligine 18% artty. Vırýsty 31 923 adam jańadan juqtyrsa, 282 adam osy naýqastan kóz jumǵan. Bul osy aptadaǵy antırekord. Elde qurban bolǵandar sany 446 050 adamǵa deıin ósti.

Úndistan álemdegi halyq sany eń kóp memleketterdiń biri. Koronavırýs taraǵaly vırýs juqtyrǵandar sany 33 563 421-ge jetti. Elde jappaı vaktsınatsııa jalǵasýda, birinshi komponentpen 83 mıllıonnan astam turǵyn egildi.


Basty sózder: Álem, Koronavırýs, Medıtsına,
Joǵary qaraı