Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Úndistan Qarýly Kúshteriniń tikushaǵy apatqa ushyrap, 13 adam qaza tapty

2021 jyldyń 8 jeltoqsan 2021 23:13

NЬıÝ-DELI. QazAqparat - Úndistan Qarýly Kúshteri qorǵanys shtabynyń bastyǵy general Bıpın Ravat mingen Úndistan Áskerı-áýe kúshteriniń áskerı tikushaǵy apatynan qaza tapqandar sany 13-ke jetti. Bul týraly QazAqparat NDTV telearnasyna silteme jasap habarlaıdy.


Buǵan deıin telearna bes adamnyń opat bolǵanyn habarlaǵan bolatyn. Shtap basshysynyń jaǵdaıy týraly resmı túrde habarlanǵan joq.

Sársenbide Úndistan Áskerı-áýe kúshteriniń baspasóz qyzmeti Twitter paraqshasynda habarlaǵandaı, bortynda general Ravat mingen Áskerı-áýe kúshteriniń Mı-17V-5 tikushaǵy Tamılnad shtatyndaǵy Kýnýra qalasyna jaqyn jerde apatqa ushyrady. Oqıǵanyń sebebin anyqtaý úshin tergeý bastaldy.

Ravat bortynda onyń áıeli men joǵary shendi áskerı qyzmetkerleri bolǵan.

Qorǵanys shtaby bastyǵynyń mindeti - Úndistan qarýly kúshteriniń barlyq úsh tarmaǵynyń: qurlyqtaǵy kúshterdiń, áýe kúshteriniń jáne teńiz kúshteriniń áreketin úılestirý. Ol Premer-Mınıstrmen qaýipsizdik jáne qorǵanystyq satyp alý máseleleri boıynsha tikeleı baılanysta bolýy jáne oǵan uzaq merzimdi qorǵanysty josparlaý jáne Qarýly Kúshterdi basqarý máseleleri boıynsha keńes berýi kerek. Bul rette qorǵanys shtabynyń bastyǵyna qurlyq áskerleriniń, teńiz jáne áýe kúshteriniń shtab bastyqtary baǵynady.


Basty sózder: Oqıǵa, Ushaq, Álem,
Joǵary qaraı