Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulytau etno-rok toby Ýfada óner kórsetti

2021 jyldyń 9 shilde 2021 09:15

ÝFA. BAShINFORM – QazAqparat – 8 shildede qazaq aspaptyq etno-rok toby Ýfa amfıteatrynyń sahnasynda «Folklorıada júreginde» óner kórsetti. Ýfalyqtarǵa burynnan tanys Ulytau toby Qazaqstannan jalyndy sálem jetkizdi, dep habarlaıdy QazAqparat Bashınform agenttigine silteme jasap.

Toptyń repertýarynda zamanaýı úlgide dybystalǵan álemdik klassıka da úlken oryn alady. Ujymdaǵy jalǵyz qyz — skrıpkashy Ásel Isaevanyń oryndaýyndaǵy Bah pen Vıvaldıdiń ólmes týyndylary jańa tynysqa ıe bolady.




Reseımen baılanys karantın rejımine baılanysty áli de burynǵy qalpyna kelgen joq, biraq mýzykanttar ýaqytty joǵaltpaı, birneshe jańa kúı jazdy, stýdııalyq qyzmetpen aınalysty, sabaq berdi, Ásel magıstratýrany bitirdi. Sonymen qatar, Ulytau toby onlaın baıqaýlarǵa qatysyp úlgerdi:

«Naýryzda biz Los-Andjelestegi festıvalde bas júldeni aldyq, ol onlaın rejıminde ótti. Oǵan 80-nen astam elden ókilder qatysty. Baıqaý birneshe kezeńnen turdy — irikteý, sodan keıin kontınentaralyq. Osy kezeńderdiń bárinen ótip, biz jeńiske jettik. Karantın kezinde bul biz úshin mańyzdy oqıǵa boldy. Bul bizdi jigerlendirip, aldaǵy jumystarymyzǵa kúsh berdi», — dedi Ásel Isaeva.




Aıta keteıik, osy kúnderi Bashqurtstandaǵy Folklorıada kontsertterinde Qazaqstan Respýblıkasy Ulttyq ulanynyń án-bı ansambli de óner kórsetedi.





























Basty sózder: Mádenıet, Óner, Qoǵam,
Joǵary qaraı