Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulybrıtanııada benzın tapshylyǵy problemasy týyndady

2021 jyldyń 26 qyrkúıek 2021 15:39

NUR-SULTAN. QazAqparat – Ulybrıtanııada janarmaı beketterinde benzın tapshylyǵy sezilýde. Brıtanııa úkimetiniń habarlaýynsha elde otyn bar. Alaıda ony tasymaldaıtyn júk kólikterin júrgizetin júrgizýshiler jetpeı jatyr. Saldarynan benzın janarmaı beketterine ýaqytyly jetkizilmeıdi, dep habarlaıdy QazAqparat Euronews saıtyna silteme jasap.

«Brıtandyqtarda tamaq ta, otyn da bolatyndaı jaǵdaı jasaý kerek. Úkimet jaqyn arada bizge sheteldik júrgizýshilerdiń qajet ekenin moıyndaý kerek edi», - deıdi Avtomobıl kóligimen tasymaldaýshylar qaýymdastyǵynyń múshesi Rod Makkenzı.
Kólik mınıstri Grant Shepps problemanyń bar ekenin moıyndady. Onyń aıtýynsha, úkimet ony sheshý úshin jumys istep jatyr.
Avtomobıl kóligimen tasymaldaýshylar qaýymdastyǵynyń baǵalaýyna sáıkes, koroldikke júk kóligin júrgizetin 100 myń júrgizýshi qajet. El bıligi sheteldik júrgizýshilerge jumys isteýge ýaqytsha ruqsatnama berýdi josparlap otyrǵany habarlandy. Bul tek qana otyndy emes, sonymen qatar azyq-túlikti ýaqytyly jetkizip otyrý máselesin jaqsartady dep kútiledi.


Basty sózder: Eýropa, Álem, Janar-jaǵarmaı,
Joǵary qaraı