Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulybrıtanııa Premer-Mınıstri Borıs Djonson azamattardy revaktsınatsııadan ótýge shaqyrdy

2021 jyldyń 24 qazan 2021 19:59

NUR-SULTAN. QazAqparat - Ulybrıtanııa Úkimeti sońǵy táýlikte SARS-COV-2 ınfektsııasy týraly málimetterdi jarııalady. Elde bir táýlikte 44 985 adam vırýs juqtyrǵan, vırýs tasymaldaýshylardyń jalpy sany 8 734 934-ke jetti.

Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.

Epıdemıologııalyq jaǵdaıǵa baılanysty Premer-mınıstr Borıs Djonson azamattardy dereý vaktsına alýǵa jáne revaktsınatsııadan ótýge shaqyrdy. Ol brıtandyqtardyń koronavırýspen kúreste «fenomenaldy progreske» qol jetkizgenin atap ótip, vaktsınanyń qorǵaý qabileti alty aıdan keıin álsireýi múmkin ekenin eske saldy. Ulybrıtanııada 50 jastan asqan turǵyndar, medıtsına qyzmetkerleri, qarttar úıiniń qyzmetkerleri, sozylmaly aýrýlary bar adamdar covid-19-ǵa qarsy údetkish vaktsınatsııa jasaýy qajet.

Ýkraınada koronavırýs tolqyny álsiremeı tur. Ótken táýlikte ınfektsııanyń 23 229 jańa rastalǵan jaǵdaıy anyqtaldy jáne 483 naýqas qaıtys boldy, dep habarlaıdy eldiń Densaýlyq saqtaý mınıstrligi.

Nátıjesinde, SARS-CoV-2 tasymaldaýshylarynyń jalpy sany pandemııa bastalǵannan beri 2 748 614 adamǵa jetti, al ólim jaǵdaılarynyń sany 63 486 boldy.

Aıta ketý kerek, elde ımmýndaý tómen qarqynmen júrip jatyr. Birinshi dozamen vaktsınatsııalanǵandardyń sany - 8 890 452 nemese 21,5 %, vaktsınatsııanyń tolyq kýrsyn 6 963 577 azamat ótti. Qazirgi ýaqytta Ýkraınada 43 mıllıonnan astam adam turady.


Basty sózder: Densaýlyq, Medıtsına, Koronavırýs, Álem,
Joǵary qaraı