Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Ýly gazdy baqylaý datchıkteri turǵyndardyń ómirin qutqarady – TJ mınıstri

2021 jyldyń 2 naýryz 2021 15:36

NUR-SULTAN. QazAqparat – QR Tótenshe jaǵdaılar mınıstrligi ákimdiktermen birlesip, avtonomdy jylytý júıesi bar úılerge 118 myńnan astam datchık ornatty. Bul týraly QR Tótenshe jaǵdaılar mınıstri ıÝrıı Ilın aıtty, dep habarlaıdy QazAqparat tilshisi.

«Ókinishke oraı, órt sanynyń kóbeıýi týraly jaǵymsyz statıstıkany baıqap otyrmyz. Jalpy elimiz boıynsha 2020 jyldyń tamyz-qyrkúıek aılarynan jylytý maýsymy bastalǵansha ákimdiktermen jáne áleýmettik qorǵaý organdarymen birlesip úılerdi aralap, reıd júrgizdik. Munda halyqtyń osal toptary – jalǵyzbasty qarttar, zeınetkerler, kóp balaly otbasylar, qoǵamnan shet qalatyn adamdardy nazarǵa aldyq. Elimiz boıynsha osyndaı 118 myń úıdi esepke aldyq. Bul úılerdiń barlyǵynda jergilikti atqarýshy organdar men demeýshilerdiń qatysýymen gaz jabdyqtaryn baqylaý datchıkteri ornatyldy», - dedi mınıstr Ortalyq kommýnıkatsııalar qyzmetinde ótken brıfıngte.

Mınıstrdiń aıtýynsha, sensorlardyń jumysy jalpy oń nátıje kórsetip otyr.

«Sońǵy eki aıda datchıkter ornatylǵan úılerde úsh ret dabyl qaǵyldy. Osylaısha, datchıkter ondaǵy adamdardyń ómiri men densaýlyǵyn saqtap qaldy», - dedi mınıstr.

Vedomstvo habaryna sáıkes, el boıynsha 2 mıllıon 300 turǵyn úı bar.

«Oblys ortalyqtary men qalalarda osyndaı 940 myńnan astam úı jáne aýyldyq jerlerde 1 mıllıon 414 myń úı bar. Qurylystar bólinisinde aıtar bolsaq, 2 mıllıon 50 myńnan astam jeke turǵyn úı jáne kópqabatty – 314 myń úı bar. Bizdiń qyzmetkerler áleýmettik qorǵaý organdarymen, ýchaskelik ınspektorlarmen birlesip 2 mıllıonǵa jýyq úıdi (81%) aralap shyqty. Eń aldymen, avtonomdy jylytý júıesine basa nazar aýdaryldy, 4 mıllıonnan astam azamatqa nusqaý berildi», - dedi ıÝ.Ilın.

Sonymen birge mınıstr turǵyndardyń qyzmetkerlerdi jeke úı aýmaǵyna kirgizbeıtinin atap ótti. 77,5 myńnan astam úıdiń turǵyndary túsindirme jumysyn júrgizetin qaýipsizdik qyzmetkerlerin úıge kirgizbegen.


Joǵary qaraı