Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq jobalardyń oryndalýy arnaıy aqparattyq júıe arqyly qadaǵalanady

2021 jyldyń 5 qarasha 2021 18:07

NUR-SULTAN. QazAqparat – Qazaqstanda bıyl qolǵa alynǵan 10 ulttyq jobanyń júzege asýy qalaı baqylanady jáne oǵan kim jaýapty? Bul suraqqa elimizdiń Ulttyq ekonomıka mınıstri Áset Erǵalıev jaýap berdi, dep habarlaıdy QazAqparat tilshisi.

«Ulttyq jobalardyń júzege asý barysyn Ulttyq jobalyq keńse qadaǵalap, monıtorıng júrgizedi. Jobalyq keńseniń arnaıy aqparattyq júıesi jasaqtaldy, monıtorıng sol júıe arqyly jasalady. Osyǵan deıin memlekettik baǵdarlamalardyń iske asyrý barysyna jylyna bir ret monıtorıng júrgizilse, ulttyq jobalardyń júzege asýy júıeli baqylaýda bolady», - dedi Á. Erǵalıev OKQ-de ótken baspasóz máslıhatynda.

Mınıstrdiń aıtýynsha, ulttyq jobalardyń iske asý barysyn qadaǵalaýǵa Ulttyq statıstıka bıýrosy da tartylady.

«Ulttyq statıstıka bıýrosy jobalardyń júzege asýy boıynsha saýalnama júrgizedi. Saýalnama suraqtarynyń máni jobalardyń mańyzy men onyń beretin paıdasy týraly bolady. Sonyń nátıjesinde memlekettik organdar jaýapty ulttyq jobasy boıynsha jumystyń qalaı istelip jatqany bilip otyrady. Jáne osal tustary baıqalsa tıisti shara qabyldaıdy», - deıdi ol.

Odan bólek, vedomstvo basshysy ulttyq jobalardyń oryndalýyna kim jaýapty ekenin aıtty.

«Ár ulttyq jobaǵa jaýapty mınıstrlik bar, ıaǵnı mınıstrdiń naqty bir orynbasary tikeleı jaýapty bolady. Árıne, bul mınıstrdi jaýapkershilikten bosatpaıdy. Sondaı-aq, Úkimet tarapynan taǵaıyndalǵan arnaıy kýratorlar bar. Premer-Mınıstrdiń orynbasarlary. Olar apta saıyn esep berip, ulttyq jobanyń ońtaıly júzege asýyn nazarda ustaıdy», - dedi elimizdiń bas ekonomısi.

Buǵan deıin Áset Erǵalıev Qazaqstanda elektrondy temekini satýǵa tyıym salýǵa qatysty óz pikirin bildirdi.


Joǵary qaraı