Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq jobalar: Halyqqa qyzmet kórsetý ortalyqtarynda qandaı ózgeris bolady

2021 jyldyń 29 qazan 2021 13:34

NUR-SULTAN. QazAqparat – «Tsıfrlandyrý, ǵylym jáne ınnovatsııalar esebinen tehnologııalyq serpilis» ulttyq jobasy aıasynda halyqqa qyzmet kórsetý ortalyqtary tsıfrlyq jáne vıdeoqyzmetterin iske qosady, dep habarlaıdy QazAqparat.

Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Ortalyq kommýnıkatsııalar qyzmetinde ótken baspasóz máslıhatynda aıtyp berdi.

«Memlekettik qyzmetterdi 5 mınýtta kórsetý» baǵytyn iske asyrý sheńberinde protsester men fýnktsııalardyń tsıfrlyq reınjınırıngi ótedi. Sodan keıin ǵana ony tsıfrlyq onlaın formatqa kóshirý kózdelgen. Odan bólek, memlekettik qyzmetterdi kórsetýdiń proaktıvti formatyna kóshýge múmkindik beremiz. Jeke qatysýdy talap etpeıtin qyzmetter balamasyz túrde ıaǵnı tsıfrlyq formatta ǵana kórsetiledi. Óz kezeginde negizgi kórsetkish avtomattandyrylǵan qyzmetterdiń sany emes, tsıfrlandyrylǵan jáne proaktıvti ómirlik jaǵdaılardyń sany bolmaq», - dedi Baǵdat Mýsın.

Mysal retinde, bir baspanadan ekinshi baspanaǵa kóshý tek qana quqyqty rásimdeýmen ǵana shektelip qoımaıdy. Kóshý máselesi – telefondy ornatý, kvıtantsııany turǵynnyń aty-jónine tirkeý sekildi ómirdegi jaǵdaılarǵa saı barlyq tsıfrlyq qyzmetti beıimdeý qajet.

«Kóshý máselesine tek vedomstvolyq, memorgan jaǵynan ǵana qaramaı, adamı turǵydan «memlekettik qyzmetti qalaı kórsetý kerek», «ol qyzmet ne úshin kórsetilip jatyr» degen suraqtarǵa jaýap taýyp, sol qyzmetterdi bir ómirlik jaǵdaıǵa biriktiremiz. Sodan keıin tsıfrlyq formatqa kóshiretin bolamyz. Arhıtektýra men úrdister klıenttik tájirıbe negizinde jáne memorgannyń ǵana emes, ómirlik jaǵdaı turǵysynan qurylatyn bolady. Halyqqa qyzmet kórsetý ortalyqtarynda memlekettik qyzmetterdi jyldam jáne sapaly alý maqsatynda tsıfrlyq HQKO, Vıdeo HQKO-lar qosylady. ıAǵnı, kez kelgen azamat áldebir jaǵdaılarǵa baılanysty tsıfrlyq tehnologııa qoldana almaı jatsa, HQKO mobıldi qosymshasyn smartfonǵa júktep, ózi beıneqońyraý arqyly habarlasyp, vıdeoqyzmet alatyndaı etip jasaımyz. Jáne HQKO-lardy servıstik modelge kóshiremiz. ıAǵnı qazirgi ýaqytta bizdiń operatorlar halyqqa qyzmet kórsetip otyr, biz ol júıeni ózgertemiz. Halyq HQKO-larǵa kelgende operatorlar tek qana konsýltatsııa beredi jáne tsıfrlyq tehnologııalarǵa beıimdeý máselelerin sheshetin bolady», - dep túsindirdi Baǵdat Mýsın.

Aıta keteıik, Memleket basshysynyń Joldaýy aıasynda «Tsıfrlandyrý, ǵalym jáne ınnovatsııalar esebinen tehnologııalyq serpilis» ulttyq jobasy ázirlenip, bekitildi. Ulttyq joba 10 baǵyttan, 226 tapsyrmadan, 44 kórsetkishten jáne 211 is-sharadan turady, olardy iske asyrý 2025 jylǵa deıin josparlanǵan.


Joǵary qaraı