Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq joba: Sýarmaly jerler 600 myń gektarǵa ulǵaıtylmaq

2021 jyldyń 25 qazan 2021 19:34

NUR-SULTAN. QazAqparat – 2025 jylǵa deıin Qazaqstanda 9 jańa sý qoımasyn salý josparlanýda. Bul týraly QR Ekologııa, geologııa jáne tabıǵı resýrstar mınıstri Serikqalı Brekeshev aıtyp berdi, dep habarlaıdy QazAqparat tilshisi.

«Sý resýrstaryn basqarýdaǵy basty mindet – qorshaǵan ortanyń, halyqtyń jáne ekonomıka salalarynyń qajettilikteri arasynda tepe-teńdik qurý. Bul jaǵdaıda halyq pen qorshaǵan ortanyń ómir súrý jaǵdaılaryn saqtaý jáne jaqsartý úshin sýdy paıdalanýdyń ekologııalyq qaýipsiz jáne ekonomıkalyq ońtaıly jaǵdaılaryn iske asyrý qajet. «Sýdy únemdi paıdalaný esebinen ónimdilikti arttyrý» mindeti aıasynda 401 arnany qaıta jańartý jáne 212 arnany tsıfrlandyrý esebinen sýarý kezinde sý shyǵynyn 4 km3 qysqartý josparlanýda», - dedi mınıstr Ortalyq kommýnıkatsııalar qyzmetinde ótken brıfıngte.

Sondaı-aq, «Jasyl Qazaqstan» ulttyq jobasy aıasynda sýarmaly jerlerdi 600 myń gektarǵa ulǵaıtý boıynsha is-sharalar qarastyrylǵan.

«Qosymsha sýarý kózderin qurý úshin 2025 jylǵa deıin Aqmola, Batys Qazaqstan, Jambyl, Qyzylorda jáne Túrkistan oblystarynda jınaqtaý kólemi 1,7 km3 bolatyn 9 jańa sý qoımasyn salý josparlanýda. Bıyl Túrkistan oblysynda Keńsaı-Qosqorǵan-2 sý qoımasynyń qurylysy aıaqtalyp jatyr, qalǵandary boıynsha TEN nemese JSQ ázirlenýde», - dedi S. Brekeshev.

Ekologııa mınıstrligi ekojúıelerdiń qajettilikterin eskermesten sýdy paıdalaný qorshaǵan ortanyń tozýyna ákeletinin eske saldy. Bul rette qolaısyz saldarlardy joıýǵa arnalǵan qarjylyq shyǵyndar olardyń aldyn alý jónindegi sharalarǵa arnalǵan shyǵyndardan joǵary bolyp otyr.

«Osyǵan baılanysty elimizdiń sý obektileriniń ekojúıelerin saqtaý mindeti qoıylǵan. Máselen, «Syrdarııa ózeniniń arnasyn retteý jáne Aral teńiziniń soltústik bóligin saqtaý» jobasynyń ekinshi kezeńin jáne Býrabaı, ýche, Qopa, Shalqar kólderin qalpyna keltirý jónindegi is-sharalardy iske asyrý josparlanǵan», - dedi mınıstr.


Joǵary qaraı