Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq joba: Kez kelgen adam memlekettik organ jumysyn baǵalaı alady

2021 jyldyń 29 qazan 2021 15:43

NUR-SULTAN. QazAqparat – «Tsıfrlandyrý, ǵylam jáne ınnovatsııalar esebinen tehnologııalyq serpilis» ulttyq jobasy aıasynda elektrondy alańdar damı túsedi jáne qujattar aınalymy 50%-ǵa tómendeıdi. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtyp berdi, dep habarlaıdy QazAqparat.

«Ulttyq jobanyń úshinshi baǵyty «Halyq únine qulaq asatyn jáne tıimdi memleket qurý» aıasynda «E-petıtsııa», «E-ótinish» jáne basqa da alańdardy qurý mańyzdy. Óıtkeni azamattarmen tikeleı dıalog júrgizý jáne kez kelgen azamattyń memlekettik organdardy baǵalaý múmkindigin qamtamasyz etý qajet. ıAǵnı kez kelgen adam memlekettik organ jumysyn baǵalaı alýy tıis», - dedi mınıstr Ortalyq kommýnıkatsııalar qyzmetinde ótken baspasóz máslıhatynda.

Sondaı-aq, mınıstr qujattar aınalymyn 50%-ǵa tómendetý josparlanyp otyrǵanyn aıtty.

«Sebebi qazir joǵarydan tómen qaraı júretin qujattar kóp jaǵdaıda memlekettik apparat ishindegi protsesterge kedergi keltiredi jáne tym qaǵazbastylyqqa ákep soǵady. Sondyqtan, memlekettik apparattyń tıimdiligin arttyrý úshin biz protsesterdi jan-jaqqa bólemiz. Mysaly jobalyq basqarý protsesteri memlekettik qurylymdar arasynda artyq hat almasýdy qajet etpeıtin zamanaýı basqarý quraldarynda júzege asyrylmaq. Kedendik salyqtyq ákimshilendirý týraly da aıtpaı ótýge bolmaıdy, búginde onyń jaqsy tsıfrlyq bazasy qalyptasty, qaýipti aımaqtardy anyqtaý nemese kedendik baqylaýǵa kómektesýge arnalǵan «jasandy ıntellekt» sııaqty quraldardy osy ulttyq joba aıasynda qolǵa alamyz. Odan bólek, aldymyzda memlekettik derekter qorlaryn 100% ıntegratsııalaýdy qamtamasyz etý jáne tsıfrlandyrýdyń platformalyq modelin paıdalaný mindeti tur», - dedi B. Mýsın.

Aıta keteıik, Memleket basshysynyń Joldaýy aıasynda «Tsıfrlandyrý, ǵylam jáne ınnovatsııalar esebinen tehnologııalyq serpilis» ulttyq jobasy ázirlenip, bekitildi. Ulttyq joba 10 baǵyttan, 226 tapsyrmadan, 44 kórsetkishten jáne 211 is-sharadan turady, olardy iske asyrý 2025 jylǵa deıin josparlanǵan.

Ulttyq joba aıasynda halyqqa qyzmet kórsetý ortalyqtary da tsıfrlyq jáne vıdeoqyzmetterin iske qosady.

Qazaqstannyń barlyq balalary ınformatıka jáne baǵdarlamalaý boıynsha sapaly bilim alýy úshin «Vırtýaldy ınformatıka muǵalimi» jobasy iske asyrylmaq.

Ulttyq jobalar aıasynda halyqqa IT daǵdylaryn tegin úıretetin 20 ınnovatsııalyq mektep ashylady.

Sonymen birge, Ulttyq jobalar aıasynda 50 óńirlik oqý ornynyń IT-fakýltetteri beıindi IT-ýnıversıtetterge nemese qalyptasyp úlgergen IT-kompanııalardyń qamqorlyǵyna beriledi.


Joǵary qaraı