Aýa raıy
Astana -4 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq ulanda azamattardy biryńǵaı qabyldaý kúni ótti

2020 jyldyń 27 qarasha 2020 19:46

NUR-SULTAN. QazAqparat – QR Іshki ister mınıstriniń tapsyrmasy boıynsha Ulttyq ulannyń barlyq óńirlik qolbasshylyqtary men áskerı bólimderinde azamattardy onlaın rejıminde biryńǵaı qabyldaý kúni ótti, dep habarlaıdy QazAqparat.

Elordada azamattardyń úndeýine Ulttyq ulan Bas qolbasshysy general-leıtenant Rýslan Jaqsylyqov jaýap berdi. Onlaın qabyldaý kezinde azamattar men áskerı qyzmetshiler negizinen áskerı qyzmet pen áleýmettik sıpattaǵy suraqtardy aıtty. Atap aıtqanda, azamattardy áskerı qyzmetke ornalasý jáne turǵyn úı tólemderi boıynsha bereshekti óteý máseleleri qyzyqtyrdy.

Barlyq ótinishter boıynsha Rýslan Jaqsylyqov tıisti qyzmetter basshylaryna naqty tapsyrmalar berip, olardy tez arada sheshý úshin shuǵyl sharalar qabyldaýdy buıyrdy.





«Ulttyq ulan Bas qolbasshysynyń blogyna kelip túsetin barlyq ótinishterdi únemi qadaǵalap otyramyn. Olardyń árqaısysy úshin tıisti qyzmetter taldaý júrgizedi jáne zań sheńberinde belgilengen merzimde jaýap beredi. Іshki ister mınıstrligi basshylyǵynyń tapsyrmasy boıynsha búgin biz onlaın formatta kezdesý ótkizip jatyrmyz. Meniń oıymsha, bul platforma naqty ýaqytty eskere otyryp, azamattar men áskerı qyzmetshilerge ásker basshylyǵyna tikeleı júginýge jáne olardyń ózekti máselelerin sheshýge jaqsy múmkindik beredi. Turǵyn úı tólemderiniń problemalaryna keletin bolsaq, men kelesilerdi basa aıtamyn, bul másele búgingi tańda sheshimin tapty, barlyq qaryzdar kelesi aptada tolyǵymen jabylatyn bolady», - dedi Rýslan Jaqsylyqov.

Aıta keteıik, onlaın-qabyldaýdy Ulttyq ulannyń barlyq óńirlik qolbasshylyq qolbasshylary jáne áskerı bólimder komandırleri ótkizip, barlyǵy shamamen 40 adamdy qabyldady.





Basty sózder: Qoǵam, QR ІІM,
Joǵary qaraı