Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq statıstıka bıýrosy basshysynyń orynbasary taǵaıyndaldy

2022 jyldyń 27 mamyr 2022 15:07

NUR-SULTAN. QazAqparat – Jannat Dúbirova Ulttyq statıstıka bıýrosy basshysynyń orynbasary bolyp taǵaıyndaldy. Ol aqparattyq tehnologııalar, statıstıkalyq derekterdi jınaý jáne óńdeý protsesteriniń ádisnamasy men avtomattandyrylýy, Data menedjmentti damytý jáne ózgeristerdi basqarý máselelerine jetekshilik etedi, dep habarlaıdy QazAqparat QR Strategııalyq josparlaý jáne reformalar agenttigi saıtyna silteme jasap.

Jannat Dúbirova buǵan deıin Nur-Sultan qalasy ákimdigi iKOMEK109 qalalyq ortalyǵynyń basshysy bolyp jumys istegen. Kvazımemlekettik jáne jeke sektorlarda, onyń ishinde konsaltıng salasynda PwC-de jumys tájirıbesi bar.

«Bimash» JShS meta-derekter ákimshisi, jobalar jetekshisi, «Tsesnabank» AQ IT departamenttiń bas menedjeri, ENRC Group óndiris IT menedjeri, IT dırektordyń orynbasary, «PricewaterhouseCoopers» JShS keńesshi menedjer, «Astana Innovations» AQ Basqarma tóraǵasynyń orynbasary boldy.

2017 jylǵy jeltoqsannan bastap osy ýaqytqa deıin Nur-Sultan qalasy ákimdigi «Qalalyq monıtorıng jáne jedel áreket etý ortalyǵy» MKK basshysy qyzmetin atqardy.

2008 jyly L. Gýmılev atyndaǵy Eýrazııa ulttyq ýnıversıtetin bitirgen, tehnıka jáne tehnologııa bakalavry. Ulybrıtanııadaǵy Manchester ýnıversıtetiniń Aqparattyq tehnologııalar jáne IT Menedjment magıstri (2015 jyl).

Prezıdenttik Jastar kadrlyq rezerviniń múshesi (2019 jyl).


Joǵary qaraı