Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq statıstıka bıýrosy ár qazaqstandyq jylyna qansha keli et jeıtinin eseptedi

2021 jyldyń 27 qarasha 2021 15:50

NUR-SULTAN. QazAqparat – 2020 jyly ortasha jan basyna shaqqanda bir jyldyń ishinde 23 keli sıyr eti jelingen. Mundaı derekti Ulttyq statıstıka bıýrosy usyndy, dep habarlaıdy QazAqparat tilshisi.

«2020 jyly úı sharýashylyqtarynyń tutyný shyǵystaryndaǵy eń úlken úles aldyńǵy jyldardaǵydaı et jáne et ónimderin satyp alýǵa (19,2%) keledi. Sıyr eti kóp suranysqa ıe, ortasha jan basyna shaqqanda jylyna 23,072 keli sıyr eti jelinedi. Qoı etin tutyný bir adamǵa orta eseppen jylyna 6,100, jylqy eti - 5,972, taýyq eti - 4,624, shoshqa eti - 3,356 keli mólsherinde baıqaldy», - dep atap ótedi vedomstvodan.

Vedomstvo málimetinshe, 2020 jyly ortasha eseppen jan basyna shaqqanda et pen et ónimderin tutyný 7 kelini qurady. 2000 jylmen salystyrǵanda et pen et ónimderin tutyný eki esege jýyq ósti. Sondaı-aq, jemisterdi tutyný - 5 ese, balyq - 3 ese, jumyrtqa - 2 ese jáne tátti ónimder toptary (qant, djem, bal, shokolad, kondıterlik ónimder) 2 ese artty.

«2020 jyly halyq tutynǵan taǵam ónimderiniń energetıkalyq qundylyǵy kúnine ortasha jan basyna shaqqanda 3425 kkaldy qurady. Aýyldyq jerlerde turǵyndardyń tamaqtanýy (3437 kkal) qalaǵa qaraǵanda (3417 kkal) kalorııalyǵy boıynsha aıtarlyqtaı joǵary emes ekenin atap ótýge bolady. Tutynylatyn taǵam ónimderiniń hımııalyq quramynda eń kóp úles kómirsýlarǵa keledi - 51,9 paıyz, al aqýyzdardyń úlesi 12,6, maılar - 35,5 paıyz», - dedi Ulttyq statıtıka bıýrosynan.


Joǵary qaraı