Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq sanıtarııalyq-epıdemıologııalyq qyzmetti tsıfrlandyrý qalaı qarjylandyrylady

2021 jyldyń 2 jeltoqsan 2021 13:00

NUR-SULTAN. QazAqparat – QR Densaýlyq saqtaý mınıstrligi 2022-2023 jyldary Ulttyq sanıtarııalyq-epıdemıologııalyq qyzmetti tsıfrlyq platformaǵa kóshirmekshi. Vedomstvo bul sharaǵa ketetin qarajat qandaı kózden alynatynyn aıtty, dep habarlaıdy QazAqparat tilshisi.

«Ulttyq sanıtarııalyq-epıdemıologııalyq qyzmetti tsıfrlandyrý «Elektrondyq úkimettiń» servıstik ıntegratory – «Zerde ulttyq ınfokommýnıkatsııa holdıngi» AQ men «QR Densaýlyq saqtaý mınıstrliginiń Respýblıkalyq elektrondyq densaýlyq saqtaý ortalyǵy» ShJQ RMK qatysýymen ıntegratsııanyń servıstik modelin ázirleý sheńberinde josparlanǵan. Jobany iske asyrý merzimi – 2022-2023 jyldar», - dep jazylǵan mınıstrliktiń QazAqparat salaýyna bergen jaýabynda.

DSM baspasóz qyzmetiniń málimeti boıynsha, búginde «Zerde UAH» AQ men QR DSM Respýblıkalyq elektrondyq densaýlyq saqtaý ortalyǵy birlesip jobalaýǵa tapsyrma ázirlep jatyr. Alaıda ázirge jańa platformanyń quny qansha bolatyny belgisiz kórinedi.

«Jobalardy ázirleýdiń shekti jol beriletin qunyn «Elektrondyq úkimettiń» servıstik ıntegratory jobalaýǵa arnalǵan tapsyrmany bekitý sheńberinde esepteıtin bolady. Bul jobany iske asyrý respýblıkalyq bıýdjet esebinen josparlanyp otyr. Búgingi tańda Ulttyq sanıtarııalyq-epıdemıologııalyq qyzmetti tsıfrlandyrýǵa respýblıkalyq bıýdjetten qarajat bólingen joq», -dep jazylǵan resmı jaýapta.


Joǵary qaraı