Aýa raıy
Astana 14 °S
Almaty 20 °S
valıýta baǵamy
USD 412.55
EUR 468.66
RUB 5.79
CNY 58.80

Ulttyq qorǵa qansha qarajat tústi

2020 jyldyń 18 maýsym 2020 12:00

NUR-SULTAN. QazAqparat – Osy jyldyń 1 maýsymyndaǵy jaǵdaı boıynsha respýblıkalyq bıýdjetke 8,6 mlrd teńge qaıtarylǵan. Bul týraly Parlament Senatynyń otyrysynda Qarjy mınıstriniń orynbasary Tatıana Saveleva málim etti, dep habarlaıdy QazAqparat tilshisi.

«Ulttyq qorǵa jalpy 4,5 trln teńge tústi. 2019 jyldyń aıaǵyna qaraı qordyń aktıvteri 27,5 trln teńgege teńesti. Bıýdjettiń basymdyqqa ıe baǵyttaryn Ulttyq qordyń transfertteri esebinen qarjylandyrý qalypty jaǵdaıǵa aınalyp ketti. Osyǵan baılanysty qordyń jınaqtyq qyzmetin zańnamalyq turǵyda kúsheıtý kózdelip otyr», - dedi qarjy vıtse-mınıstri.

Onyń aıtýyna qaraǵanda depýtattardyń usynysymen kvazımemlekettik sektordaǵy sýbektterdiń dıvıdenttik saıasaty ózgergen. Bıyldan bastap kvazımemlekettik sektordyń sýbektteri 2019 jyldyń qorytyndysy boıynsha respýblıkalyq bıýdjetke 100 paıyzdyq dıvıdentti qamtamasyz etedi.

«Bıýdjet qarajatynyń jumsalýyna baqylaýdy kúsheıtý úshin kvazımemlekettik sýbektterdiń esebindegi paıdalanylmaı qalǵan qarajatty bıýdjetke qaıtarý boıynsha jumys bastalyp ketti. 1 maýsymdaǵy jaǵdaı boıynsha respýblıkalyq bıýdjetke 8,6 mlrd teńge qaıtaryldy», - dedi ol.


Joǵary qaraı