Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq qordan beriletin transfertterdi baqylaý kúsheıtiledi – Álıhan Smaıylov

2021 jyldyń 23 qyrkúıek 2021 17:33

NUR-SULTAN. QazAqparat – Ulttyq qordan beriletin transfertterdi baqylaý kúsheıtiledi. Bul týraly Úkimet úıinde ótken brıfıngte QR Premer-Mınıstriniń birinshi orynbasary Álıhan Smaıylov aıtty, dep habarlaıdy QazAqparat tilshisi.

«Memlekettik qarjynyń tıimdiligin arttyrý jáne Ulttyq qordyń aktıvterin qalpyna keltirý maqsatynda arnaıy Memlekettik qarjyny basqarý tujyrymdamasy qabyldanady. Ol bıýdjet saıasatyn, memlekettik boryshty basqarý, sondaı-aq Ulttyq qordyń qarajatyn qalyptastyrý jáne paıdalaný máselelerin qamtıdy. Memlekettik shyǵystardyń tıimdiligin jáne Ulttyq qordan beriletin transfertterdi baqylaý kúsheıtiledi», - dedi birinshi vıtse-premer.

Osy rette ol tujyrymdamanyń negizgi tásilderi retinde memlekettik boryshtyń ósýin shekteý jáne ony qaýipsiz deńgeıde ustap turý úshin bıýdjet tapshylyǵyn kezeń-kezeńimen tómendetý; borysh turaqtylyǵynyń negizgi kórsetkishterin belgileý; barynsha ekonomıkalyq tıimdilikke qol jetkizý úshin kelesi sharalardy aıqyndaý usynylǵanyn aıtty.

«Bıýdjet kiristerin ulǵaıtý bóliginde kóleńkeli ekonomıkaǵa qarsy is-qımyl jónindegi is-sharalar jospary iske asyrylýda. Josparda bıznesti kóleńkeden shyǵýǵa yntalandyrýǵa, salyq jáne keden tólemderin tóleýden jaltarýǵa qarsy kúresti kúsheıtýge baǵyttalǵan is-sharalar kózdelgen. Sondaı-aq, artyq tosqaýyldardy alyp tastaý jáne zańsyz saýda aınalymyna qarsy is-qımyl boıynsha aýqymdy is-sharalar júrgizilýde», - dedi Álıhan Smaıylov.


Avtor Marlan Jıembaı
Basty sózder: QR Úkimeti, Qarjy, Ekonomıka,
Joǵary qaraı