Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq qoǵamdyq senim keńesiniń óńirlerge sapary Mańǵystaýdan bastaldy

2021 jyldyń 5 mamyr 2021 17:18

AQTAÝ. QazAqparat - Mańǵystaý oblysyna jumys saparymen kelgen QR Prezıdentiniń kómekshisi, Ulttyq qoǵamdyq senim keńesiniń hatshysy Erlan Qarın bastaǵan qoǵamdyq senim keńesiniń bir top múshesin oblys ákimi Serikbaı Trumov qabyldady, dep habarlaıdy QazAqparat tilshisi.

Óńir basshysy bılik pen qoǵam arasyndaǵy altyn kópirdiń qyzmetin atqaryp, «Halyq únine qulaq asatyn memleket» tujyrymdamasyn iske asyrýǵa zor úles qosyp júrgen keńestiń jumysyna sáttilik tiledi.

«Ulttyq qoǵamdyq senim keńesi - túıtkildi máselelerdiń túıinin tarqatatyn, halyqtyń ozyq ıdeıalary men usynystaryn bir arnaǵa toǵystyratyn alań. Alǵashqy kezeńde qyzmetin konsýltatıvti-keńesshi organ retinde bastap, búginde jańa reformalar usynatyn mańyzdy qurylymǵa aınalyp otyr. Bul baǵytta sizderdiń atqaryp júrgen jumystaryńyzǵa sáttilik tileımin»,-dedi S.Trumov.




Sondaı-aq, oblys ákimi keńes múshelerine óńirdiń áleýmettik-ekonomıkalyq damýy men ózekti máselelerinen habardar etti.

Ulttyq keńestiń múshesi, belgili qoǵam qaıratkeri Rasýl Jumaly Mańǵystaýdyń ózge óńirlermen salystyrǵanda qarqyndy damyp jatqanyn aıtty. «Salystyrmaly túrde avtojoldardyń sapasy kóńil tolarlyq. Oblysta halyq sanynyń ósýi de – bul ómir sapasynyń jaqsarǵanynyń kórsetkishi. Týrızm salasyna da den qoıylyp jatyr eken. Osy tusta meniń usynysym bar. Mańǵystaýdy elimizdiń mádenı ortalyǵyna aınaldyrý qajet. Oǵan barlyq múmkindik bar»,-dedi R.Jumaly.

Al, «Adam quqyqtary hartııasy» qoǵamdyq qorynyń atqarýshy dırektory Jemis Turmaǵambetova sońǵy jyldary Aqtaýdyń jańarǵanyn tilge tıek etti.

«Aqtaýǵa osydan onshaqty jyl buryn kelgen edim. Kóp ózgeristi kórip kóńilim toldy. Men quqyqtanýshy bolǵandyqtan quqyq qorǵaý organdarynyń jumysymen tanystym. Júıeli jumystar jasalǵan eken. Alaıda, áli de tolyqtyratyn máseleler jeterlik»,- dedi Jemis Ótegenqyzy.

Erlan Qarın bastaǵan Ulttyq keńes músheleri jumys sapary aıasynda oblystyq qoǵamdyq keńes múshelerimen, zııaly qaýym ókilderimen jáne stýdenttermen kezdesý ótkizip, óńirdiń ózekti máselelerin talqylady.

Ulttyq keńes músheleri Mańǵystaý óńirinen soń jumys saparymen Soltústik Qazaqstan, Qaraǵandy, Shyǵys Qazaqstan jáne Túrkistan oblystaryna barady.















Joǵary qaraı