Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq qoǵamdyq senim keńesi quramynda rotatsııa jasaldy

2021 jyldyń 18 qańtar 2021 18:30

NUR-SULTAN. QazAqparat – Ulttyq qoǵamdyq senim keńesi quramynda rotatsııa jasaldy, dep habarlaıdy QazAqparat Aqordanyń baspasóz qyzmetine silteme jasap.

«Ulttyq keńestiń jumysyna jurtshylyqtyń jańa ókilderi – «QazAqparat» Halyqaralyq aqparat agenttigi» AQ Basqarma tóraǵasy Asqar Ýmarov, «ADAL» partııasy saıası keńesiniń múshesi - hatshysy Eldar Jumaǵazıev, StopFake.kz jobasynyń jetekshisi, Prezıdenttik jastar kadrlyq rezerviniń múshesi Aleksandr Danılov, Aqtóbe qalasyndaǵy «Tandem» teleradıokompanııasynyń bas dırektory Táttigúl Talaeva, «Team Qazaqstan» jastar qozǵalysynyń belsendisi, bilim máseleleri jónindegi sarapshy Qaısar Tursynqoja, Qazaqstan Respýblıkasy Prezıdentiniń «Bolashaq» Halyqaralyq stıpendııasy stıpendıattary qaýymdastyǵynyń atqarýshy dırektory, Prezıdenttik jastar kadrlyq rezerviniń múshesi Laýra Demesınova tartyldy», delingen habarlamada.

Rotatsııa aıasynda Ulttyq keńes quramynan A.Qojahmetov, Sh.Muqan jáne E.Tursynov shyǵaryldy.

«Ulttyq keńes qurylǵannan beri bir jarym jyl ishinde onyń bastamalaryn iske asyrý sheńberinde 10 zań qabyldandy jáne taǵy 7 zań qarastyrylýda.

Qazirgi ýaqytta Ulttyq qoǵamdyq senim keńesiniń besinshi otyrysyna daıyndyq júrgizilýde», delingen habarlamada.

Eske sala ketsek, Prezıdenttiń kómekshisi Erlan Qarın Ulttyq qoǵamdyq senim keńesiniń besinshi otyrysy aqpan aıynda ótetinin málim etken edi.


Basty sózder: Ulttyq keńes,
Joǵary qaraı