Aýa raıy
Astana -5 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq kınony qoldaý memlekettik ortalyǵynyń basshysy taǵaıyndaldy

2020 jyldyń 23 qarasha 2020 19:58

NUR-SULTAN. QazAqparat - «Ulttyq kınony qoldaý memlekettik ortalyǵy» kommertsııalyq emes aktsıonerlik qoǵamynyń basqarma tóraǵasy bolyp Esetjan Qosýbaev taǵaıyndaldy, dep habarlaıdy QazAqparat tilshisi.

Atalǵan ortalyqtyń resmı saıtyndaǵy aqparatqa sáıkes, Kıno ortalyǵynyń ujymyna uıymnyń jańa basshysyn QR Mádenıet jáne sport mınıstrliginiń jaýapty hatshysy Baqytjan Temirbolat tanystyrǵan.

Esetjan Muratuly memlekettik basqarý organdarynda qyzmet etken. QR Mádenıet, aqparat jáne sport mınıstrligin basqarǵan. Medıakompanııalar men qoǵamdyq qurylymdarǵa basshylyq jasap, mádenıet salasynda túrli jobalardy uıymdastyrǵan.

Ol 1955 jyly Almaty qalasynda dúnıege kelgen. 1980 jyly S.Kırov atyndaǵy Qazaq memlekettik ýnıversıtetiniń tarıh fakýltetin bitirgen. Іri halyqaralyq óner forýmdaryn, qoǵamdyq aktsııalardy, is-sharalardy uıymdastyrýǵa jáne ótkizýge atsalysqan. Ár jyldary «ART-Tsentr» prodıýserlik ortalyǵynyń bas dırektory, «Almaty – moıa pervaıa lıýbov» retro festıvaliniń prodıýseri jáne júrgizýshisi bolǵan. «Azııa daýysy» halyqaralyq mýzykalyq festıvalderiniń irgetasyn qalaǵandardyń biri. «Asyl mura» qamqorshylyq keńesiniń quramynda bolǵan, sonyń arqasynda kórnekti qazaq kompozıtorlarynyń shyǵarmalary bar bir jarym myńnan astam muraǵattyq jazbalar qalpyna keltirilgen

Birneshe jyl boıy mádenı-qoǵamdyq ınstıtýttardy basqarǵan. Kommertsııalyq jáne qarjy qurylymdaryn basqarý tájirıbesi bar. Qazaqstandy mádenı, áleýmettik jáne ǵylymı-tehnıkalyq damytý qorynyń bas dırektorynyń orynbasary, «Bóbek» balalar qaıyrymdylyq qorynyń vıtse-prezıdenti, «Kazenergy» qoǵamdyq qorynyń prezıdenti laýazymdarynda qyzmet etken. «Altyn-Alma» AQ basqarma tóraǵasy, «Atameken» Qazaqstannyń Ulttyq ekonomıkalyq palatasynyń basqarma múshesi bolǵan.

Esetjan Muratuly otandyq medıaqurylymdardyń, kıno men televızııanyń aıaqqa turýyna jáne damýyna zor úles qosqan. «Raýan Medıa Grýpp» kompanııasynyń dırektorlar keńesin basqarǵan. 1998 jyly Ortalyq Azııadaǵy eń iri kınoforým – «Evrazııa» Birinshi halyqaralyq kınofestıvaliniń bas dırektory bolyp taǵaıyndalǵan.

E.Qosýbaevtyń shyǵarmashylyq ómirbaıanynda jeke akterlik tájirıbesi bar. Onyń ishinde ataqty keńes rejısseri ıÝrıı Chýlıýkınniń «I v shýtký, ı vserez...» fılminde (1963 j.) basty róldi somdaǵan. Qazirgi ýaqytta E.Qosýbaev Sháken Aımanov atyndaǵy «Qazaqfılm» AQ Dırektorlar keńesiniń múshesi jáne táýelsiz dırektory.

«Qurmet» jáne 2 dárejeli «Dostyq», Reseıdiń Chernobyl ardagerler komıtetiniń «Dolg ı chest» ordenderimen, sonymen qatar, túrli tósbelgilermen jáne medaldarmen marapattalǵan.

Avtor Marlan Jıembaı
Basty sózder: Óner, Mádenıet, Taǵaıyndaý,
Joǵary qaraı