Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq keńes Prezıdenttiń jańa reformalar josparyn qoldaıdy: Memlekettik apparat kórsetkishter men ındıkatorlarǵa emes, nátıjege jumys isteýi kerek

2022 jyldyń 13 qańtar 2022 14:08

NUR-SULTAN. QazAqparat – Qazir memlekettik apparat óz qyzmetin qaıta qarap, kórsetkishter men ındıkatorlarǵa emes, nátıjege jumys isteýdi úırenýi kerek.

Bul týraly Qoldanbaly etnosaıası zertteýler ınstıtýtynyń dırektory Talǵat Qalıev aıtty, dep habarlaıdy QazAqparat.

Ortalyq kommýnıkatsııalar qyzmetinde Ulttyq qoǵamdyq senim keńesiniń músheleri Memleket basshysynyń Qazaqstan halqyna úndeýinde aıtylǵan bastamalaryn talqylap jatyr.

«Shynynda da, qazir halyqtyń úlken úmiti paıda bolǵanyn atap ótken jón. Jaǵdaı toqtap qaldy, tipti narazylyq kóńil-kúı de toqtap qalǵandaı, endi adamdar ári qaraı ne bolatynyn kútip otyr. Óıtkeni Prezıdent usynǵan sharalar – tolǵaǵy jetken óte ózekti máseleler. Biraq olardyń tabysty bolýyna ne yqpal etetini – bólek suraq. Shyn máninde olardy buǵan deıin statıstıkany manıpýlıatsııalaýmen aınalysqan, túrli bastamalardy sońyna jetkizbegen jáne jalǵan memlekettik baǵdarlamalardy júrgizgen memlekettik apparattyń ózi júzege asyrýy tıis. Qazir memlekettik apparat óz qyzmetin qaıta qarap, kórsetkishter men ındıkatorlarǵa emes, nátıjege jumys isteýdi úırenýi tıis. Taǵy bir másele – sol olıgapolııanyń qarsylyǵy, ony ekonomıkadan shyǵarý kerek», - dedi Talǵat Qalıev.

Onyń aıtýynsha, barlyq osy máselelerde atalǵan protsesti baqylaýǵa qabiletti azamattyq sektor mańyzdy ról atqarady.

«Úshinshiden, Ulttyq keńeske erekshe ról beriledi, bul uıym óńirler boıynsha reıdter uıymdastyryp, osy usynylǵan sharalardyń iske asyrylý protsesin baqylaı alady. Biraq eń bastysy – bul sharalardaǵy halyqtyń orny. Eger halyq qoldasa jáne belsendi qatyssa, áleýmettik-ekonomıkalyq túrlený sátti bolady. Al eger kútý pozıtsııasyn ustansa, bul jaǵdaıda tipti eń gúldengen jáne progressıvti bastamanyń ózi sátsizdikke ushyraýy múmkin. Sondyqtan bizdiń rólimiz – bir mezgilde túsindirýmen aınalysý jáne baqylaý, sonymen birge memlekettik apparatqa osy baǵdarlamalardyń barlyǵyn júzege asyrýǵa kómektesý», - dedi Talǵat Qalıev.


Avtor Aıjan Serikjanqyzy
Basty sózder: Ǵylym, Zań,
Joǵary qaraı