Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq keńes Prezıdenttiń jańa reformalar josparyn qoldaıdy: Kásipkerler qıraǵan ǵımarattardy qalpyna keltirýge kómektesýi kerek – Islambek Saljanov

2022 jyldyń 13 qańtar 2022 15:29

NUR-SULTAN. QazAqparat – Kásipkerler qıraǵan ǵımarattardy qalpyna keltirýge kómektesip, jańa Qazaqstannyń damýyna óz úlesterin qosýy kerek. Bul týraly Ulttyq qoǵamdyq senim keńesiniń múshesi, «Altyn Kyran» halyqaralyq qaıyrymdylyq qorynyń prezıdenti Islambek Saljanov aıtty, dep habarlaıdy QazAqparat.

«Shyn máninde bizdiń elimiz qaıǵyly oqıǵany bastan ótkerdi. Prezıdenttiń batyl sheshiminiń arqasynda óz Táýelsizdigimizdi saqtaı aldyq. Árıne, bolashaqta mundaı jaǵdaıdyń qaıtalanýyna jol bermeýimiz kerek. Prezıdent QR Parlamenti Májilisiniń otyrysynda erekshe úndeý jasady. Biz bárimiz, sonyń ishinde kásipkerler de jańa Qazaqstandy qurý úshin Memleket basshysynyń reformalaryn qoldaýǵa tıispiz. Qazir bári artta qaldy. Prezıdent óz sózinde 30 jylda kóptegen áleýmettik-ekonomıkalyq problemalar qordalanǵanyn, olardyń da qazirgi jaǵdaıǵa túrtki bolǵanyn aıtty. Memleket basshysynyń áleýmettik baǵdarlanǵan jańa Qazaqstandy qurýymyz kerek degen jańa úndeýi aıtyldy, bul turǵyda halyqtyń arman-úmiti men qajettilikteri, áleýmettik ádilet birinshi orynda bolýy tıis», - dep atap ótti I. Saljanov.

Sol sebepti spıker eń aldymen, Qazaqstan Táýelsizdiginiń arqasynda 30 jylda qalyptasqan kásipkerler Prezıdenttiń aınalasyna birigip, birinshi kezekte qıraǵan ǵımarattar men nysandardy qalpyna keltirýge, jańa Qazaqstannyń damýyna óz úlesin qosýǵa tıis dep esepteıdi.

«Birinshi kezekte, bul Prezıdent aıtqan iri kompanııalarǵa tikeleı qatysty, olar shyn máninde baqýatty jáne Qazaqstannyń qarapaıym halqyna bet burýǵa múmkindigi bar. Oǵan bizdiń halqymyz ábden laıyq. Biz barlyq jınaqtalǵan máselelerdi sheshýimiz kerek. Jeke ózim Qazaqstannyń damýynda jańa dáýir bastalyp jatqanyna senemin», - dedi Islambek Saljanov.

Aıta keteıik, Ortalyq kommýnıkatsııalar qyzmetinde Ulttyq qoǵamdyq senim keńesiniń músheleri Memleket basshysynyń Qazaqstan halqyna úndeýinde aıtylǵan bastamalaryn talqylady.


Joǵary qaraı