Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq keńes múshesi jetim balalarǵa degen kózqarasty ózgertý qajettigi týraly aıtty

2021 jyldyń 16 qarasha 2021 21:01

NUR-SULTAN. QazAqparat – Jetim balalarǵa túbegeıli jańa kózqaras qalyptastyratyn tujyrymdama daıyndaý qajet. Bul týraly Ulttyq qoǵamdyq senim keńesiniń múshesi Ýaıs Ersaıynuly aıtty, dep habarlaıdy QazAqparat tilshisi.

«Ulttyq keńes aıasynda qozǵaıyn dep otyrǵan taǵy bir úlken máselemiz - jetim jáne ata-ananyń qamqorlyǵynsyz qalǵan balalardyń jaı-kúıi. Qazir Qazaqstanda mundaı balalardyń jalpy sany 23 myńnan astam ekeni belgili. Memleket atalǵan topty óz qamqorlyǵyna alyp, 18 jasqa deıin balalar úıinde oqytyp, baǵyp-tárbıeleýdi moınyna alǵanyn bilemiz. Alaıda sol balalar úıiniń túlekteriniń 90 paıyzy memleketke jat, qoǵamǵa ógeı bolyp ósip shyǵyp jatyr. Túlekterdiń baspanamen qamtylýy óte tómen deńgeıde bolsa, jumyssyzdyq óte joǵary. Bul jastar arasynda ajyrasý, urys-keris, qylmys óte joǵary. Problema nede? Osyǵan tereń úńilýimiz qajet. Menińshe, bul balalar úıi qabyrǵasynan bastalǵan másele. Biz eń áýeli jetim degen uǵymnyń ózinen arylýymyz kerek. Osy anyqtamanyń ózi balalardy ógeısitip, keýdeden ıterip, shettetý bolyp sanalady», - dedi keńes múshesi Ulttyq qoǵamdyq senim keńesiniń 6-otyrysynda.

Osy rette ol jetim deýdiń ornyna memleket pen qoǵam qamqorlyǵyndaǵy balalar dep ataýdy usyndy.

«Sonda ǵana olar ózderin qoǵamnyń tolyqqandy múshesi retinde sezine alady. Másele ataýyn ózgertýmen ǵana sheshilmeıdi. Balalar úıiniń qabyrǵasynan bastap qorǵaýdaǵy balalardy qoǵamǵa beıimdep, ómirge ıkemdep, áleýmettendirý qajet. Dál qazir mundaı jumysty eshkim júrgizip otyrǵan joq. Memlekettiń kómegi tek materıaldyq ıgiliktermen shektelýde. Sonymen birge balalar úıine kómekti pıar úshin paıdalanýǵa tyıym salý qajet. Balalardyń rýhanı qajettiligin qamtamasyz etýge tıisti ınstıtýttar óz qyzmetterin múldem oryndamaı otyr. Budan basqa, memleket pen qoǵam qamqorlyǵyndaǵy balalardyń eń úlken máselesi – mektep bitirgen soń turǵyn úı men jumys. Biz balalarǵa jastaıynan materıaldyq ıgiliktermen kómektesý arqyly ınfantıldi, margınaldy topqa aınaldyryp jatqanymyzdy moıyndaýymyz qajet», - dedi Ýaıs Ersaıynuly.

Onyń atap ótýinshe, qoǵamda atalǵan balalardy óz perzentim dep qabyldaıtyn túbegeıli jańa kózqarasty qalyptastyratyn tujyrymdama daıyndalyp, arnaýly baǵdarlama qabyldan durys bolar edi.


Joǵary qaraı