Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq keńes qurylǵaly beri 90-nan astam zańǵa ózgeris engizildi

2021 jyldyń 28 jeltoqsan 2021 14:48

NUR-SULTAN. QazAqparat - Ulttyq qoǵamdyq senim keńesi músheleriniń jumys kezdesýi ótti. Jıynda ótken jyldaǵy jumys qorytyndysy shyǵarylyp, aldaǵy jylǵa jumys jospary naqtylandy, dep habarlaıdy QazAqparat.

Ulttyq keńestiń bastamalaryn júzege asyrý aıasynda 2021 jyly 7 zań qabyldanǵan bolatyn.

Onyń ishinde aýylsharýashylyq jerlerin sheteldikterge satýǵa tyıym salatyn zań, sonymen birge saıası partııalardyń Parlament Májilisine ótý shegin tómendetý jáne saılaý bıýlletenderine «bárine qarsy» baǵanyn engizý boıynsha jańa normalardy qamtıtyn saılaý týraly zań bar.

Jalpy alǵanda, Ulttyq keńes qurylǵannan beri Memleket basshysynyń bastamalaryn iske asyrý maqsatynda 90-nan astam normatıvtik quqyqtyq aktiler qabyldandy.

Qazirgi ýaqytta taǵy 12 zań jobasy ázirleý jáne qaraý satysynda.

Sondaı-aq otyrysta UQSK músheleri aldaǵy jyly uıymdastyrylatyn zertteý jumystarynyń taqyryptar tizbesin talqylady.




Bul zertteý jumystary negizinde memlekettik organdarǵa arnaıy usynystar ázirlenedi dep boljanýda.

Keńes aıasyndaǵy 4 jumys tobynyń árqaısysynyń sheńberinde belgili bir baǵyttaǵy ózekti máseleler jeke-jeke zerdelenedi.

Atap aıtsaq, Jemis Turmaǵambetova, Bórihan Nurmuhamedov, Murat Ábenov, Saıasat Nurbek, Tóleýtaı Raqymbekov, Marat Báshimov, Rasýl Jumaly, Lazzat Qojahmetova, Dáýren Qýat, Ashat Sadyrbaı, Aleksandr Danılov, Táttigúl Talaeva, Danııa Espaeva, Qanat Nurov, Qaısar Tursynqoja, Qanat Saharııa, Berik Ábdiǵalıuly, Andreı Chebotarev, Aıman Omarova jáne Islambek Saljanov zertteýlerdi ótkizýge qatysty óz usynystaryn bólisti.




Sonymen qatar, jıynǵa qatysýshylar kelesi jyly túrli salalardaǵy reformalardyń júzege asyrý barysyn talqylaý boıynsha memlekettik organdar basshylarynyń qatysýymen josparlanatyn kezdesýlerdi ótkizý, óńirlerde kóshpeli otyrystardy uıymdastyrý suraqtaryna toqtaldy.

Qazaqstan Respýblıkasy Prezıdenti janyndaǵy Ulttyq qoǵamdyq senim keńesi - konsýltatsııalyq-keńesshi organ.

Onyń negizgi maqsaty – qoǵam qaıratkerleri, saıası partııa ókilderi jáne sarapshylarmen keńinen talqylaý ótkizý negizinde memlekettik saıasattyń kókeıkesti máseleleri boıynsha usynystar men usynymdar ázirleý.

Ulttyq keńesti qurý týraly Jarlyqqa 2019 jylǵy 12 maýsymda qol qoıylǵan.





Joǵary qaraı