Aýa raıy
Astana -3 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq keńes: Erlan Qarın zańǵa engizilgen mańyzdy usynystyń birin atady

2020 jyldyń 23 qyrkúıek 2020 21:08

NUR-SULTAN. QazAqparat – Memleket basshysynyń kómekshisi Erlan Qarın QR Prezıdenti janyndaǵy Ulttyq qoǵamdyq senim keńesiniń usynysymen zańǵa engizilgen mańyzdy bastamalardyń birin atady, dep habarlaıdy QazAqparat tilshisi.

«Ulttyq keńestiń «qorjynynda» júzege asyrylǵan taǵy bir mańyzdy bastamalardyń biri – búgin Májilis paıdalanylmaı jatqan aýylsharýashylyq jerleriniń bazalyq salyqtyq stavkasyn arttyrý bastamasyn bekitti. Bul bastamany Prezıdent Qasym-Jomart Toqaev 2019 jyldyń 20 jeltoqsanynda Ulttyq qoǵamdyq senim keńesiniń ekinshi otyrysynda kótergen bolatyn. Sol kezde Memleket basshysy Úkimetke jerdiń tıimdi paıdalanylýyna baqylaýdy kúsheıtýdi, onyń ishinde paıdalanylmaı jatqan jer úshin bazalyq salyqtyq stavkany 10-nan 20 ese arttyrýdy tapsyrǵan edi», - dep jazdy Erlan Qarın Facebook-paraqshasynda.

Memleket basshysynyń tapsyrmasyn oryndaý úshin bul shara salyq salý máseleleri boıynsha qazirgi zańnamaǵa ózgeris engizýdi kózdeıtin zań jobasyna engizilgen. Osynyń nátıjesinde búgin, ıaǵnı 23 qyrkúıekte Parlament Májilisiniń depýtattary ekinshi oqylymda «Salyq salý jáne ınvestıtsııalyq klımatty jaqsartý boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» zań jobasyn maquldaǵan.

«Osy zań jobasyna sáıkes jerdiń tıimsiz paıdalanylýyna qatysty sharalardy kúsheıtý maqsatynda 2022 jyldyń 1 qańtarynan bastap paıdalanylmaı jatqan aýylsharýashylyq jerleri úshin bazalyq salyqtyq stavka 10-nan 20 ese artatyn boldy. Sonymen birge Prezıdenttiń bastamasymen osy jyldyń kókteminde 4 óńirde (Aqmola, Qostanaı, Shyǵys Qazaqstan jáne Mańǵystaý oblystary) jaıylym jerlerdi ǵaryshtan monıtorıngileý boıynsha pılotty joba iske qosyldy. Osynyń arqasynda tıimdi paıdalanylmaı jatqan 7 mıllıon gektar jer memleketke qaıtaryldy», - deıdi ol.


Joǵary qaraı