Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq keńes 3 jańa áleýmettik sanat boıynsha grant bólýge atsalysty - Erlan Qarın

2021 jyldyń 27 qyrkúıek 2021 17:41

NUR-SULTAN. QazAqparat – Ulttyq qoǵamdyq senim keńesi jumysynyń eleýli bóligi saıası reformalardy ázirleý jáne ilgeriletýmen qatar, Prezıdent usynǵan túrli áleýmettik bastamalardy iske asyrýǵa arnalǵan. Memleket basshysynyń kómekshisi Erlan Qarın Telegram kanalynda osyndaı pikir jazdy, habarlaıdy QazAqparat tilshisi.

«Memleket basshysynyń 2020 jylǵy 27 mamyrda Ulttyq keńestiń úshinshi otyrysynda bergen tapsyrmasyn oryndaý aıasynda qańtarda «Bilim týraly» QR Zańyna tórt jáne odan da kóp kámeletke tolmaǵan bala tárbıelep otyrǵan otbasynan shyqqan balalar; osy mártebeni keminde 3 jyldan beri ıelenip kele jatqan januıalar; tolyq emes otbasynan shyqqan balalar; bala kezinen múgedek balalardy tárbıelep otyrǵan otbasylardan shyqqan balalar, І, ІІ toptaǵy múgedekterge oqýǵa qabyldaý kvotasyn berýdi kózdeıtin norma engizildi», - dep jazdy ol Telegram kanalynda.

Onyń aıtýynsha, 2021 jyly alǵash ret azamattardyń úsh jańa áleýmettik sanatyna granttar berilgen.

«QR Bilim jáne ǵylym mınıstriniń 13 tamyzdaǵy buıryǵy boıynsha memlekettik bilim granttary 50 192 talapkerge, onyń ishinde jetimderge – 386 grant, múgedekterge – 303, kóp balaly otbasylardan shyqqan balalarǵa – 3494, tolyq emes otbasylardan shyqqan balalarǵa – 964, bala kezinen múgedek balalardy tárbıelep otyrǵan otbasynan shyqqan balalarǵa, birinshi jáne ekinshi toptaǵy múgedekterge – 354 grant berildi»,- dedi Erlan Qarın.


Joǵary qaraı