Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq kásipkerler palatasynyń jańa basshysy kúzde saılanady

2022 jyldyń 17 qańtar 2022 14:21

NUR-SULTAN. QazAqparat - «Atameken» ulttyq kásipkerler palatasy jańa prezıdıým tóraǵasyn saılaýǵa qatysty málimdeme jasady, dep habarlaıdy QazAqparat.

«Búgin Tımýr Qulybaevtyń «Atameken» UKP tóralqa tóraǵasy qyzmetindegi ókilettigi óz erkimen toqtatyldy. Ulttyq palata zań normalaryna sáıkes qurylǵan barlyq jumys istep turǵan basqarý organdary (tóralqa men basqarma, óńirlik keńester men óńirlik palatalar) shtattyq rejımde jumys isteı beredi. Qazir Memleket basshysynyń tapsyrmasy boıynsha Úkimet ulttyq kásipkerler palatasymen birlesip, tártipsizdikterden zardap shekken bızneske keltirilgen zalaldy óteý boıynsha jumysty bastady» delingen habarlamada.

Palatanyń málimetinshe, pandemııa qaıta kúsheıip keledi, onyń saldarymen kúres basty nazarda bolady.

«Biz úshin otandyq bıznes lokdaýn jáne qatań karantınsiz jumys isteýin jalǵastyrýy mańyzdy. Memleket basshysynyń 2022 jylǵy 11 qańtarda belgilegen tapsyrmalaryn oryndaý úshin úlken jumys atqarý kerek. Tóralqa tóraǵasyn sezd saılaıtynyn eskere otyryp, tóralqanyń kezekti otyrysynda onyń músheleri tóraǵa mindetin ýaqytsha atqarýshynyń kandıdatýrasyn aıqyndaıdy. Biz «Atameken» UKP saılaý júıesin nyǵaıtý jumysyn jalǵastyramyz. 2020 jyly óńirlik keńesterde saılaý ótkizildi. Jaqyn arada UKP basqarmasy bıznes-qoǵamdastyqtyń talqylaýyna burynnan kele jatqan másele – tóralqa janyndaǵy salalyq komıtetteriniń múshelerin tıisti salalardyń kásipkerleri etip saılaý tártibin shyǵarady» dep málim etti palata.

Nátıjesinde 2022 jyldyń kúzinde kezekti sezge qaraı sezd jáne tóralqanyń jańa delegattar quramy jańarady.

Basqarýdyń joǵarǵy organy retinde sezd óz ýákilettigi aıasynda tóralqa tóraǵasy men quramy, sondaı-aq basqarma quramyna qatysty sheshimin shyǵarady.

Eske sala keteıik, búgin Tımýr Qulybaev «Atameken» ulttyq kásipkerler palatasy basshylyǵynan óz erkimen ketti.


Joǵary qaraı